ئیمڕۆ 6/11/2022 بەڕێز قوباد تاڵەبانی سەرپەرشتیاری مەکتەبی سکرتاریەتی سەرۆک مام جەلال بەمەبەستی پیرۆزبایی یادی 33 ساڵەی دامەزرادنیان، سەردانی یەکێتی ژنانی کوردستانی کرد کە لەلایەن بەڕێز کافیە سڵێمان سکرتێری یەکێتی ژنانی کوردستان و ئەندامانی سکرتاریەت و کادرانی یەکێتی ژنان پێشوازیان لێکرا، وێڕای پیرۆزبایی کردنی، هیوای سەرکەوتنی بۆ سکرتێر و ئەندامانی یەکێتی ژنان خواست، وە وتیشی بەهیوای ئەوەی کە بە گڕوتینەوە گۆڕانکاری لە کارو چالاکییەکانیان بکەن و بەردەوامی بدەن بەو مێژووە پڕ سەروەریەی کە لەڕابردوو هەیانبووە.
هەروەها سوپاسی تایبەتی خاتوو کافیە سڵێمانی کرد بۆ تەرخان کردنی بەشێکی زۆری تەمەنی بۆ خەباتی ڕزگاری خوازی گەلەکەمان و لە نێویدا بەدەستهێنانی مافەکانی ژنان.
ئاماژەی بەوەشدا کە؛ شێوازی خەبات لەئێستا لەگەڵ گۆڕانکاریەکانی کۆمەڵگەی کوردیدا جیاوازە لەگەڵ رابردوودا، پێویستە شێوازی کارو چالاکیەکانیش لەگەڵ هەلومەرج و ئەم قۆناغەی ئێستا دا گۆڕانکاری تیادا بکرێت.
قوباد تاڵەبانی ئامادەیی دەربڕی بۆ هەموو پشتیوانییەک لە پێناو بەردەوامی و گۆرانکاری بەرەو پێشچوونی کارەکانیان.
لەکۆتاییدا خاتوو کافیە سڵێمان بەناوی یەکێتی ژنانی کوردستانەوە سوپاسی قوباد تاڵەبانی کردو سەردان و پشتیوانییەکانی بەرز نرخاند.
