ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

لە فێستیڤاڵی كاری خێرخوازی یەكێتی ژنانی كوردستان بەشێك لە پرۆژە خێرخوازییەكانی ئاشكرا دەكات

تریفە” حەسەن سلێمانی
بەسەرپەرشتی رێكخراوی) CDO)و بە بەشداری یەكێتی ژنانی كوردستان و 44 رێكخراو و ناوەندی خێرخوازی ئەمرۆ كە هاوكاتە بە رۆژی جیهانی كاری خێرخوازی لە پاركی ئازادی شاری سلێمانی گەورەترین فێستیڤاڵی خێرخوازی بەرێوەچوو. لەم فێستیڤاڵەدا رێكخراو و ناوەندەكان هەموو پرۆژە خێرخوازییەكانی خۆیان خستە رووكە لەماوەی ساڵانی رابردوودا كاریان لەسەركردووە.
یەكێتی ژنانی كوردستانیش كە گۆشەیەكی تایبەت بەخۆی هەبوو لە نێو فێستیڤاڵەكەدا لە رێگەی پروشەر و بڵاوكراوەی نوسین و ڤیدیۆییەوە هەموو ئەو پرۆژە و هاوكارییە خێرخوازییانەی خستە روو كە لە بواری تەندروستی و كۆمەڵایەتی و پەروەردەیی و مرۆڤدۆستییەوە كردوویەتی لەماوەی ساڵانی رابردوودا.
لەم بارەیەوە خاتوو بەفرین عوسمان نوێنەری یەكێتی ژنانی كوردستان باسی لەوەكرد كە یەكێتی ژنانی كوردستان لەسەر داوای رێكخراوی (CDO) لەم فێستڤاڵەدا بەشداریكردووە بەهۆی ئەوەی كە یەكێتی ژنان لە ماوەی ڕابردوودا كاری خێرخوازی زۆر كردووە و لەسەر ئەو بنەمایە بانگهێشتكراوین”.
هەروەها خاتوو بەفرین وتیشی” لە ڕێگەی وێنە و ڤیدیۆ و پروشەرەوە ئەو كارە خێرخوازییانەمان حستۆتە روو كە لە ماوەی ڕابردوودا كارمان تیداكردوە. ئەوەش خۆی یەكێكە لەكارە گرنگەكانی رێكخراوەكەمان لە ساڵی ١٩٨٩ وە لەگەڵ دامەزراندنی یەكێتی ژناندا كاری لەسەركراوە، لە ڕێگەی كەمپین و پڕۆژەی جۆراوجۆرەوە بۆ هەموو پارچەكانی كوردستان لە ڕێگەی هەموو لقەكانی یەكێتی ژنانەوە كاری خێرخوازی ئەنجام داراوە لە خانەقینەوە هەتا دهۆك و شەنگال و زاخۆ”.
لە گرنگترین پڕۆژە خێرخوازییەكانی یەكێتی ژنان: كە پێشوازییەكی زۆری لێكراوە لەلایەن حكومەت و خەڵكەوە پرۆژەكانی (نەخۆشخانەی سۆزی دەروونی، لانەی ئارام، سەنتەری پشكنینی مەمك بەپێدانی دەرزی ودەرمانەوە بۆ ئەو كەسانەی كەمدەرامەتن) دابینكردنی پارێزەری خۆبەخش لە رێگەی بەشی كۆمەڵایەتیەەوە بۆ ئەوانەی پێویستیان پێیبووە.
لەلایەكیترەوە خاتوو بەفرین باسی لەوەكرد كە ” یەكێتی ژنان لە رێگەی كامپین و هەڵمەتی كۆكردنەوەی هاوكارییەوە، توانراوە هاوكاری زیان لێكەوتوانی بومەلەرزەكەی باكور و ڕۆژئاوا دابینبكرێت، هاوكاریكردنی بۆ ژنانی شەنگال و دەربەری و بەتایبەتی ژنانی رزگاربووی دەستی داعش” هەروەها وتیشی” بەردەوام لەرێگەی سكرتاریەتی یەكێتی ژنانەوە هاوكاری ماددی ومعنەوی بۆ كەمئەندامان و نابینایان، ژنانی زیندانی لە گرتوخانەی ژنان و هاوكاریكردنی ماددی ومعنەوی بۆ ئاوارەكانی ڕۆژهەڵاتی كوردستان لە شاری كۆیە كراوە لەگەڵ چەندین پڕۆژە و هاوكاری و پشتیوانی ژنان بەردەوامی هەیە”.
لەلایەكیترەوە هانا شوان ئەندام لە ڕێكخراوی(CDO)كە یەكێكە لە ڕێخەرانی فێستڤاڵەكە، دەربارەی رێكخستنی ئەم فێستیڤاڵە ووتی” ئەمە یەكەم ساڵە لە هەرێمی كوردستان ڕێكخراوێك یادی ڕۆژی جیهانی كاری خێرخوازی بەرز ڕابگرێت، ئەم ڕۆژە ساڵی ٢٠١٢ لەلایەن نەتەوەیەكگرتووەكانەوە بڕیاری لێدراوە لە چواوچێوەی سیاسەتی كەمكردنەوەی هەژاری و پەرەپێدانی توانای مرۆیی تا ساڵی ٢٠٣٠ كەمبكرێتەوە، كاری خێرخوازی یەكێكە لە پایەسەرەكیەكانی كەمكردنەوەی هەژاری لە هەنكاتدا شاری سلێمانی لە كاری خێرخوازیدا مێژوویەكی دێرینی هەیە بەتایبەتی ژنان كە چەند كاریگەرییەكی باشیان هەبووە و كۆمەكیان كۆكردۆتەوە لە كاتی قەیرانەكاندا لەو مێژووە جوانەوە دەمانەوێت ئێستایەكی ڕۆشن بنیات بنێن. دەمەوێت بڵێم كاری خێرخوازی بە گیرفان و دەوڵەمەندی نیە، بەڵكو بەهەستی مرۆییە بە ئاستی بەرپرسیارێتی تاكەكانە، دەتوانی بە پەڕینەوەی كەسێكی بەتەمەن لە شەقامێكدا بەشداربیت لە كاری خێرخوازی”.

هاوشێوە

ڤیدیۆ