ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

فەوزیە مەنمی لە دیدگایەكی ژنانەوە باس لە ئاڵنگاریەكانی بەردەم پێشكەوتنی ژناندا دەكات

ئامادەكردنی : ترێ محمود
ژنە رۆشنبیر و چیرۆكنوس خاتوو فەوزیە مەنمی لە دیدگایەكی ژنانەوە باس لە ئاڵنگاریەكان دەكات لە بەردەم پێشكەوتنی ژناندایە لە دیدارێكی تایبەتدا بۆ سایتی تەوار خاتوو فەوزیە باس لەو قەید و شەرت و گرفتانە دەكات كە لە بەردەمی ژناندایە و دەڵێت” بۆ ئەوەی بتوانین وەكوو ژنان هەنگاو هەڵهێنین لە بەر ئەوەی كە ژن لەم كۆمەڵگەیەدا بە یەك كۆمەڵ قەید و شەرت و بازنە سنور دراوە ژنی ئازا ئەوەیە كە بتوانێ لە نێو ئەم سنورانەدا بزانێ‌ چیدەكات”.
هەروەها ووتی” ژن دەبێت هێزی ئەوەی هەبێت كە بتوانێ زۆر ژیرانە لەو بازنانە دەرچێ یان تێكیان بشكێنێ و ئەوەی پێیەتی بیگەیەنێ، جا ئەوە لە برینەكانی ژیانی خۆیەوە دەستپێبكات لەو كەم و كۆڕیانەی كۆمەڵگەوە، تا ژن لە بواری ئابوریدا سەربەخۆ نەبێ‌ ناتوانێ دەستی واڵابێ لە هەنگاوەكانی تریدا. خۆشبەختانە كە ئێستا ژنان بازاڕی كاریان داگیركردووە ئەمە مایەی خۆشحاڵییە، هەر دەستڕەنگینییەك كە بزانێ لە هەر بوارێكیتری نێو ژیانا ئەو هەنگاوە بە باشی هەڵەهێنێ و بێتە نێو بوارەكەوە”
دەربارەی ئەوەی كە داخۆ تەواوی ژانرە ئەدەبیەكان بۆتە وەسیلەی گەیاندنی خەمی ژن؟ فەوزیە مەنمی ووتی” بێگومان وەسیلە ئەدەبییەكان ئازارەكانی خۆمانی تیا باس بكەین هەنگاو بنێین بۆ بەرە و پێشچوون. پەنجە بخەینە سەر ئەو برینانەی كە پەیویستە بە ئێمە و چارەسەریان بكەین بێگومان ژانرە ئەدەبییەكان لە نواندنی تەلەفزیۆنەوە لە نووسینی بیرۆكەكانمانەوە لە بواری ڕۆژنامەنوسیەوە تا ئەنتەرنێت و تەكنەلۆژیا زۆر باش لە ساتی خۆیدا بابەتەكان بگاتە دەستی هەموو كەسێ. لەوێوە ئەتوانین هەموو خەمەكانی خۆمان بگەیەنین و باس بكەین”.
“كورتەیەك لە ژیانی نوسەر و كۆی بەرهەمە ئەدەبیەكانی”
فوزییە ساڵح مەنمی دەرچووی پەیمانگەی تەكنیكیە، لە ئێستادا بەرێوبەری بەشی ئێوارانی كتێبخانەی گشتی سلێمانییە. یەكێكە لە ژنە چیرۆك نووس و وەرگێرەكانی شاری سلێمانی و چەندین بابەتی لە فارسیەوە وەگێراوە بۆ زمانی كوردی، نزیكەی ٥٠ كتێبی لە بواری مناڵان هەیە و بەشداری زۆربەی ڤیستیڤاڵە ئەدەبییەكانی كردووە.
خاوەنی دوو ڕۆمان لە وانە (خود ناسیی ، نهێنی ئەشكەوتی كونەبا)
خاتوو فەوزیە وەك خۆی دەڵێت” لە بەرنامەی شەمێران پڕۆژەی چالاكی مناڵانی بێسەرپەرشت و خانەی نەوجەوانان) ماوەی مانگێك لە كتێبخانەی گشتی سلێمانی لەلام بوون چالاكیم لەگەڵ ئەنجامدان لە میانەی ئەوكاتەدا كە هەرچیرۆكێكم دەگێرایەوە ئەوان نیگەران دەبوون، یەكێك لە دادەكان هاتەلام و وتی” فووزیەخان بەهچ شێوەیەك نابێت ئەو چیرۆكان بگێریتەوە كە باسی دایك و باوكی تیابێت”. منیش پەنام بردە بەر نوسینی ئەم چیرۆكە تا بتوانێت لەودا بەخۆیان بڵێن مەرجنیە ئەوەی چووە خانەیی نەوجەوانان پاشەڕۆژێكی باشی هەبێت وە مەرجنیە مناڵێك بێت لە شكستا گەورەبێت، بەڵكو ئەتوانێت لەسەر پێی خۆی بوەستێت وە پاشەڕۆژی خۆیی بنیادبنێت، بە هاوكاری لە نێو دوونیای كتێبدا، ئەمە بووە یەكەم ڕۆمانم كە لە ساڵی ٢٠١٦نوسیوم و ئەتوانم بڵێم كە یەكەم ژنی كوردم ڕۆمانی بۆ مێرد منداڵ نوسیوە.

هاوشێوە

ڤیدیۆ