ترێ محەمەد: سلێمانی
بەمەبەستی پیرۆزبای یادی دامەزراندنیان لقی سلێمانی یەكێتی ژنانی كوردستان لە ناو فەرمادەیی هێزی پێشمەرگە سەردانی هێزی ژنانیان كرد. كە 27 ساڵ بەر لە ئێستا بە پشتوانی خوالێخۆشبوو سەرۆك (مام جەلال) دامەزراوە.
ئەمڕۆ بۆ پیرۆزبایی یادی 27 ساڵەی دامەزراندنی هێزی پێشمەرگەی ژنان لقی سلێمانی یەكێتی ژنان بۆ رێزلێنان لە خەبات و تێكۆشانی هێزی ژنان لە ناو بارەگای فەرماندەیی هێزی پێشمەرگە سەردانی ئەو پێشمەرگە ژنانەیان كرد كە 27 ساڵە هاوپشت و هاو خەباتی هێزی پێشمەرگەی كوردستانن ، لەلایەن عەمید ڕێزان ڕەشید فەرەج بەرپرسی هێزەكە و دەستەی دامەزرێنەر و هەموو ئەندامانی پێشمەرگەی ژنانەوە پێشوازییان لێكرا.
هێزی پێشمەرگەی ژنان وەك هێزێكی مۆدرێنی سەربازی لە 11-11- 1996 لەلایەن دەستەیەك لە ژنانی پێشمەرگەو خۆبەخشەوە دامەزرا و تائێستا هاوشانی پیاوانی پێشمەرگەی كوردستان لە خەبات بەردەوامن.
