ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

زانكۆی ڕاپەڕین پانێڵێك دەربارەی توندووتیژی رێكدەخات

سوپرالیا: راپەرین
بەمەبەستی بەرەنگاربوونەوەی توندووتیژی دژی ژنان و خێزان ئەمڕۆ لە زانكۆی راپەڕین پانێڵێك رێكخرا و نمایشی شانۆگەرییەك كرا.
بەئامادەبوونی لێپرسراوی لقی رانیەی یەكێتی ژنانی كوردستان و ئەندامانی لق و ژنانی چالاكوان و رۆشنبیران، بەڕێوبەرایەتی بەرەنگاربوونەوەی توندووتیژی دژی ژنان و خێزان بە هاوبەشی زانكۆی ڕاپەڕین، پانێڵێكیان لە ژێر ناونیشانی توندوتیژی دژی ژنان و خێزان رێكخست، تێدا سێ‌ سیمینار پێشكەش كرا، سیمیناری یەكەم لەلایەن (دكتۆر ڕوخسار محمەد)وە بوو لە ژێر ناونیشانی (ڕۆڵی پەروەردە لە ڕووبەڕوبونەوەی توندوتیژی خێزانیدا) لە سیمیناری دووەمدا ( پرۆفیسۆری یاریدەدەر ئیبراهیم ساڵح بەرزنجی) بابەتێكی بە ناونیشانی (هەڵوێستی یاسادانەری كوردستان لە بەرەنگاربوونەوەی توندوتیژی دژ بە ژنان و خێزان ) پێشكەش كردوو سیمیناری سێیەم تەرخانكرا بۆ پێشكەش كردنی بابەتێك لە ژێر ناونیشانی (كاریگەری ڕاگەیاندن لەسەر توندوتیژی خێزانی) لە لایەن مامۆستا (دیدەن مەجید)ەوە. بە گرنگییەوە چەندین پێشنیار بۆ بنەبڕكردنی توندووتیژی خرانە ڕوو.
هاوكات لەلایەن خوێنكارانی بەشی باخچەی ساوایانی زانكۆی راپەڕینەوە شانۆگەری (ژیان بەردەوامە) بە سەرپەرشتی مامۆستا عمر محمد پێشكەشكرا .

هاوشێوە

ڤیدیۆ