ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

ژنێك دەبێتە سەرۆكی سەندیكای ڕستن و چنین لە هەڵەبجە

میهرەبان: هەڵەبجە
ژنێكی دەستڕەنگین و خاوەن كار لە هەڵەبجە دەكرێتە سەرۆكی سەندیكای كرێكارانی رستن و چنین و هاوشێوەی ژنانی شارەكە خزمەت بە كریكارانی رستن و چنین دەكات.
ئەمڕۆ ئاڤان ئاوات كە ژنێكی دەسترەنگینی هەڵەبجەیە وەك سەرۆكی سەندیكای كرێكارانی رستن و چنین لە پارێزگای هەڵەبجە دیاریكرا و كاروباری كرێكارانی ئەو بوارە بەڕێوە دەبات.
ئاڤان ئاوات كە پیشەی بەرگ درووە بۆ سایتی تەوار وتی” سوپاس بۆ خوا و سوپاس بۆ هاوكاری هەموو ئەو بەڕێزانەی كە یارمەتیدەرم بوون لە دیاریكردن و دانانم وەك سەرۆكی سەندیكای كرێكارانی ڕستن و چنین لە یەكێتی سەندیكاكانی كرێكارانی كوردستان لقی هەڵەبجەی شەهید، هیوادارم جێی متمانەی هەموو لایەك بم و بتوانم بە كار و چالاكیەكانم خزمەت بە شارەكەم بكەم”.
ئاڤان ئاوات دەرچووی بەشی ئەندازیاری خۆراكە و لە ئێستادا خاوەنی بەرگدوری ئاڤانە و ڕۆژانە كاروباری ژنان و یەكە ئیداریەكانی خۆی بەڕێوە دەبات.

هاوشێوە

ڤیدیۆ