ڤیستیڤاڵی گیابه‌هاریه‌كان له خورماڵ بۆماوه‌ی سێ ڕۆژ به‌رده‌وامی ده‌بێت و ژنێكی زۆریش به‌شدار بوون به‌كاری ده‌ستی و خوارده‌مه‌نی و فرۆشتنی گیا به‌هاریه‌كان ئیلهام فه‌تاح چه‌ندین جۆر گژو گیای هێناوه‌ته ڤیستیڤاڵه‌كه‌و وه‌ك باسی لێوه كرد
ده‌شتی شاره‌زوورو خاكی كوردستان هه‌میشه به. پیت . به‌ره‌كه‌ت بوه له ئیستادا وه‌رزی به‌هاره هاوڵاتیان پۆل پۆل ڕوو له ده‌شت و كێوه‌كان ده‌كه‌ن بۆ به‌ده‌ست هێنانی به‌روبومه گیایه‌كان هەڵدەستين ودێم كوزه‌له‌و پوینه‌و قنگرو گۆزروانه، بەشی خۆمان دەکەين و دەيبەينەوە بە تەڕ و تازەیی بۆ نیوه‌ڕۆ یان ئێواره سازو ئاماده‌ی دەکەين،
وەرزی کۆکردنەوەی گیا بەهارییەکان کە بە زێری سه‌وز ناسراون، دەبێتە هەلی کاری کاتی بۆ ژمارەیەک خه‌ڵك و، بەڵام ئەگەر نەزانن چۆن دەریانبهێنن، مانەوەی ئەو گیا بەنرخانەش دەخەنە مەترسییەوە.
شه‌ونم علی له سلێمانیه‌وه هاتوه‌و وه‌ك كریار وتی هاتووم به‌روبومی گیایی به‌رمه‌وه تاوه‌كو بۆ وه‌رزی زستان هه‌لی بگرمو ئه‌یخه‌مه ساردكه‌ره‌وه تامو چێژو سودی تائبه‌ت به‌خۆیان هه‌یه ئه‌م گیا به‌هاریانه
خاكی كوردستان له شاخه‌كانی به‌رهه‌می گه‌وڵه‌و به‌ره‌زاو ڕێواس هه‌یه‌و له ده‌شته‌كان ونگرو روسكه‌و گۆزروان و چه‌ندین جۆری تر گیا هه‌یه ئه‌مه جگه له به‌رهه‌مه ئاویه‌كان كه سودێكی ئیجگار زۆر هه‌یه وه‌كو كوزه‌له‌و پوینه له ێاوه سازگاره‌كاندا هه‌ن . هاوڵاتیان سه‌رجه‌میان به‌كاردین بۆ خواردن . به‌به‌رهه‌می به‌هاری ناسراون
ڤیستیڤاڵه‌كه بۆماوه‌ی سێ رۆژ به‌رده‌وام ده‌بێت و گه‌شتیارێكی زۆر رویان له ڤیستیڤاله‌كه كردوه به‌مه‌به‌ستی كرینی گژو گیای به‌هار
میهرەبان سەلام
ژنە كاریكاتۆریستێكی خەڵكی ئێران، کە ساڵی ڕابردوو دەستبەسەر کرابوو و پێشتر سزای بەندکردنی بەسەردا سەپێندرابوو، جارێکی دیکە لەلایەن هێزە ئەمنییەکانی کۆماری ئیسلامیی ئێران لە تاران دەستبەسەر کرا و بۆ بەندیخانەی قەرچەکی شاریڕەی گواسترایەوە.
بەپێی هەواڵەکان، ڕۆژی شەممە ٢٠٢٤/٤/١٣ ئاتنا فرقدانی، كاریكاتۆریست و چالاکوانی مافی منداڵانی دانیشتووی تاران، لەلایەن هێزە ئەمنییەکانەوە، بە بەکارهێنانی توندوتیژییەوە دەستگیر کراوە.
موحەممەد موقیمی، پارێزەری ئاتنا فەرقدانی، لە لاپەڕەی تایبەتیی خۆی، لەتۆڕی كۆمەڵایەتیی (ئێکس)دا نووسیویەتی: “ئاتنا بەهۆی دەربڕینی ناڕەزایەتی سەبارەت بە دەستگیرکرانی، بڕیاری بارمتەدانانی قبووڵ نەکردووە و لە ئاکامدا بۆ بەندیخانەی شاری ڕەی (قەرچەک) گواستراوەتەوە، هەروەها شوێنەواری لێدان بەسەروچاوییەوە بە ئاشكرا دیارە
، ئاتنا فرقدانی لە ساڵی ڕابردوو، دوای بانگکردن بۆ لقی لێپرسینەوەی خانەی دادی ناوچەی 33ی تاران دەستگیر کرابوو و بە تۆمەتی “سووکایەتیکردن بە ڕێبەری ئێران”
سزای 12 ساڵ و نۆ مانگ بەند کردنی بەسەردا سەپێندرابوو، ئەو سزایە لە ئاکامدا لە دادگای پێداچوونەوە بۆ سزای 18 مانگ بەندکردن کەم کرایەوە.
نیان سەلمان
ئایە لەساڵی ٢٠٠٣ لەشاری خانقین لە دایك بوە
هەر لە منداڵیەوە خولیای هونەری هەبووە و خوێندنی سەرەتایی و ناوەندی تەواوکردووە و ئێستا لە قۆناغی 5 ی پەیمانگای هونەرە جوانەكانە
ئەم نیگارکێشە باس لەوە دەكات
وێنەکێشان پرۆسەیەکە بۆ ھاوشێوەکردنی ئەو مانایانەی کە نیگارکێش لەناو ناخی خۆیدا ھەستی پێدەکات، یان ئەوەی بە چاو دەیبینێت و دەیەوێت بەشێوەیەکی تر دەریببڕێت.
هەروەها دەڵێت : ئەوانەی کە سەرەتا بەهرەی هونەریان تێدایە ، وێنەکێشان لایان بەرجەستەکردنی مانا خەیاڵییەکان و دەیگونجێنن لەگەڵ واقیعدا. نیگارکێش یەکێکە لە داهێنەرەکانی کۆمەڵگا، کۆمەڵگاش دەبێت بەوچاوەوە سەیریان بکات و ، وەریبگرێت و هەموو ئەو ئامرازانەیان بۆ دابین بکات کە بتوانن لە ڕێگەیەوە پێشبکەون.
ئایا لە کارەکانیدا زیاتر رەنگەکانی سپی و سەوز و ڕەش بەکار ئەهێنێ و کەمتر کار لەسەر رەنگەکانه تر دەکات.
هەروەها ساڵانە چەندین جار بەشداری پێشانگای كردوە لەناو شاری خانقین وە لەدەرەوەی شاریش لەوانە شاری كەلار
ئایە لە بەشێکی تری دیمانەکەماندا دەڵێت: وێنەكانم زیاتر گوزارشت لە ژنان و كچان دەكات
لە داهاتووش نیازم وایە پەرە بەكارەكەم بدەم و زیاتر كارەكانم گەورە بكەم
بەبۆنەی تێپەڕ بونی ٣٦ساڵ بەسەر ئەنفال و جینۆسایدی کورد یەکیتی ژنانی کوردستان پیشانگایەکی فۆتۆ گرافی جەوهەر کانی هەنجیرەیی تایبەت بەو یادە کردەوە، لەژێر ناونیشانی فرمێسکەکان دوای ٣٦ ساڵ بەردەوامیان هەیە
فۆتۆ : تریفە حسن
پیرۆز بایی لەسەر جەم موسڵمانان دەکەین بەهیواین ئەم جەژنە ببێت بە مایەی خێرو خۆشی بۆ هەمو وان
میهرەبان: هەڵەبجە
شاناز سەنتەرێك بۆ دیزاین و گێرانەوەی كلتوری جل و بەرگی كوردی دەكاتەوە و هەلی كاریش بۆ ژماریەك لە ژنانی بەهرەمەند دەرەخسێنێت.
شاناز رەفیق ساڵی 2010 بەشی ئەندازیاری كشتوكاڵی تەواو كردووە و لە ئێستادا سەنتەرێكی بەرگدورین و دیزاین كردنی كردۆتەوە و هەلی كاری بۆ 12 ژنیتریش رەخساندووە و تا وەكوو بتوانن كاربكەن.
خاتوو شاناز سەبارەت بە پرۆژەكەی بۆ سایتی تەوار ووتی:” پاش ئەوەی چەندین جار كارم كردووە ، بەڵام تەنها بووم لە دووكانێكی بچوكدا ، بەڵام لە ئێستادا دووكانەكەم كردووە بە سەنتەر و سەرجەم بابەتەكانی جوانكاری خانمان و دیزاینی جل و بەرگی كوردی ژنان و منداڵان ئێكسواراتی لە خۆی گرتووە”.
هەروەها شاناز ووتیشی:”جگە لە كاری دیزاین و دوورین ستۆدیۆیەكی كلتوریشمان درووست كردووە بۆ مەراسیمی خەنەبەندان و لە دایك بوون ، سەرەڕای ئەوەش هەلی كارمان بۆ ژمارەیەك ژن و كچی دەست رەنگین فەراهەم كردووە”.
سەبارەت بە ناوی كلتور دیزاین شاناز ” ئاماژەی بەوەدا كە مەبەستیانە ئەو كارانەی دەیكەن لە چوارچێوەی جل و بەرگی رەسەنی كوردیدابێت و هەوڵا بەن رەسەنایەتی لە دەست نەدەن” شاناز رەفیق خاوەنی سەنتەری كلتور دیزاین داوا لە ژنان دەكات هەوڵبدەن دەستی كاریان لە بازاردا هەبێت ، بۆ ئەوەی بتوانن ببن بە خاوەن داهاتی خۆیان و بتوانن لە بازاردا ئامادەییان هەبێت.
. بۆ پاراستنی سەردانیکەرای گۆڕەکەی تەرمی ماریکۆری لەناو تابوتێکی ڕۆپۆش بەقوڕقوشم نێژراوە ،
ماری کۆری بەهۆی تاقیکردنەوەکانی لەسەر ڕادیۆم و دۆزینەوەی تیشک هەمیشە لەناو تیشکدا دەژیا و بەردوام شوشەی تاقیکردنەوەی ڕادیۆم لە گیرفانە کانیدا بو و بۆیە نەک هەر کتێبو کەلو پەلەکانی بەڵکو جەستەیشی بەڕادیۆم بارگاوی بوبوون و کاریگەریەکانی ئەو تیشکە لەسەر مرۆڤ لە پێش ١٠٠ساڵەوە تائێستاش هەر مەتڕسی ماوە و تا ١٥٠٠ساڵیتریش هەر دەمێنی ،
ماری کۆری کەبەدایکی زانستی فیزیای نوێ دادەنرێ ونەک یەکەم ژن بەڵکو یەکەم مرۆڤە کە براوەی خەڵاتی نۆبڵی کیمیاو فیزیابوە .
ناوی فیلیس بو بەناوی ئەو پاپۆڕەوە ناونرابو کە لە ئەفریقاوە پێی هاتبو بۆ ئەمریکا نازناوی وایتلی لێ نرابو فیلیس وایتلی بەناوی ئەو بازرگانەی کەوەک کۆیلەیەک کڕیبوی بۆ کارپێکردن .
ئەم کچە لە لە سەنیگال لە ئەفریڤا لەدایکبوبو لە تەمەنی ٧ ساڵیدا لەلایەن باندێکی بازرگانی مرۆڤەوە ڕفێنرابو ( کە بە بازرکانانی گۆشتی زیندو ناسرابون) هێنرابو بۆ ئەمریکا بۆ ویلایەتی بۆستن و لەیەکێ لەبازاڕەکانی کۆیلایەتیدا بەزیادکردنی ئاشکرا هاوشێوەی فرۆشتنی ئاژەڵەکان فرۆشرابو .
تەمەنی ٧ساڵان بو چەند دەستێکی کرد لەناو بازرگانەکانی کۆیلایەتیدا .
لە تەمەنی ١٣ ساڵیدا بۆ یەکەم جار دەستیکرد بەشیعر نوسین بەزمانێکی جیاواز لە زمانی دایکی . لەسەرەتادا کەس بڕوای نەئەکرد ئەو شیعرانە و بەو زمانە ئینگلیزیە پاڕاوە شیعری ئەو بێت .
لە تەمەن ٢٠ساڵیدا بەهۆی نوسینی شیعرەوە درا بەدادگا ،دادگایەکی باڵا کە هەشت دادوەوەر بە بەرگی فەرمی تایبەتی دادگاو قژی تایبەتی قازیەکانی ئەو سەردەمە ئامادەی بون ، خستیانە قەفەزی تاوانباریەوە ،داوایان لێکرد کەلەبەردەمی دادگادا چەند کۆپلەیەک لەشیعری شاعیرە بەناوبانگەکانی ئەو سەردەمە لەبەر بڵێ لەگەل چەند دێرێک لە حیکمەتەکانی ئینجیل ، ودوای ئەوە چەند پارچە شیعرێک لە شیعرەکانی خۆی لەبەر بۆیان و بینوسیتەوە ، زۆر بە جوانی داواکاریەکەیانی ئەنجامدا بێ هیچ هەڵەیەک دواتر وتیان دەبێت سوێندی یاسایی لەبەردەم ئەودادوەرانەدا بخوات کە ئەو شیعرانە خۆی نوسیونی و لە کەسی وەر نەگرتوە .وەک تاقیکردنەوەیەک فیلیس لە قەفەزی تاوانباریدا دەستی بەشیعر نوسینکرد . بەم شێویە دادوەرەکان لە ئەنجامدابڕوایان پێکردو بڕیاری بێتاوانیان دا، وفیلیسیش بەم شێوەیە ڕزگاری بو .
فیلیس وایتلی لەنیوان ساڵانی ١٧٥٣بۆ١٧٨٤ ژیاوە یەکەم ژنی ئەمەریکایی بە ڕەگەز ئەفەریقایی بوە توانیویەتی شیعرەکانی لەتویێ دیوانێکدا کۆ بکاتەوەو چاپی بکات .
ئەو ژن بو ڕەش پێست بو کۆیلە بو
بەڵام سەرکەوتنی بەدەست هێنا
لە عەرەبیەوە وەریگێرراوە
سەیوان
ئایا چاویلکەى هەتاوى لە تیشکى سەروى وەنەوشەیى خۆر دەمانپاڕێزێت ، وانەبێت کە تیشکى سەرووى وەنەوشەیى تەنیا کاریگەرى خڕاپ بکاتە سەر پێست ، بەڵکو کاریگەرى دەکاتە سەر پێڵوو چینى کۆرۆنیاو هاوێنە و بەشەکانى چاو ،هەروەها هۆکاڕێکە بۆ پەیدا بونى ئاوى سپى ، لەکاتى هەڵبژاردنى چاویلکەیەکى دژە هەتاو بەوردى ئەو جۆرە هەڵبژێرە کە ڕێگە لە تێپەربونى هەردو جۆرى تیشکى سەروو وەنەوشەیى بگڕێت ،جگە لەمە خاڵى تڕ هەیە بۆ هەڵبژاڕدنى چاویلکەیى هەتاوى بۆ نمونە هاوێنەى ڕێگر لەڕەنگى شین کە وێنە دورەکان رونتر دەکات بەتایبەتى لە ڕوناکى کەمدا ،هاوێنەى پۆلە ڕایز شەوق رەونەقى ڕوناکى کەم دەکەنەوە، هاوێنەى فۆتۆکرۆم کەڕەنگەکەى لەگەڵ ڕوناکى دا دەگۆڕێت یان تاریک دەبێت بۆ قاوەیى یان بۆ ڕەنگى خۆڵەمێشى بەم شێوەیە وێنەکان رونتر دەبینرێن و شەوقى ڕوناکیش کەمدەبێتەوە ،
لەگەڵ ئەمەشدا مەرج نیە کە هەمو چاویلکەکانى لەم جۆرە تیشکى سەرو وەنەوشەیى بەتەواوى بلۆک بکەن ٠ بەپێى ڕاپۆرتێکى تیشکى خۆر چاوى چاویلکەکان وردە وردە تێک دەدات و خانەکانى و پێکهاتەکەى دەشێوێنێ، بەمەش لەجیاتى ئەوەى تیشکى سەرو بنەوشەیى بگەڕێنێتەوە کە ئامانجى سەرەکى چاویلکەکانى بەر خۆرە ، تیشکەکە زیاتر دەکات و دەینێڕێت بۆ چاو٠
گوڵزار فەرەج
ماڵپەڕی بی بی سی بەریتانی، دەڵێت: راپۆرتێکی بەریتانی ئاشكرایکردوە، ژنانی میوزیکژەن هەشت هێندە زیاتر لە پیاوان روبەڕوی جیاکاری رەگەزیی دەبنەوە.
بەپێی راپۆرتەکە: یەکێک لە جیاکاریەکان ئەوەیە ژنانی میوزیکژەن موچەیان لە پیاوان کەمترە، بەشێوەیەک: بە تێکڕا داهاتی ژنان بە رێژەی %10 کەمترە لە هاوتا پیاوەکانیان
چیا یاسین
ڕۆژی جیهانی ژنان و پیرۆزبێت”ئەم بەرهەمە دیارییەکە بۆ ئەو خانمانەی کە بەهۆی ژنبوونەوە ئازاریان چەشتووە، هیوادارم بەدڵتان بێت”دەربارەی پەیامی بەرهەمەكە خاتوو كیژان وتی” بەرهەمەکە ئازادی مرۆڤ بەگشتیو مافی ژنانە بە تایبەتی، گۆرانیەکە کە بە هەردوو زمانی کوردی و هۆڵەندی تۆمارکراوە، لە ئاواز و تێکستی خاتوو کیژان خۆیەتی و ئەفشین شوکری کاری میوزیکی بۆ کردوە.
کیژان ئیبراھیم خەیات ساڵی ١٩٨٥ لە سلێمانی لەدایک بووە، کچی ئیبراھیم خەیات ھونەرمەندی گۆرانیبێژ و مەقامبێژی خەڵکی سلێمانی. سەرەتا گۆرانی بۆ زنجیرە درامایەک گوتووە، دواتر لە ساڵی ٢٠٠٩ یەکەمین گۆرانی خۆی بەناوی (بەسە دڵم) بڵاوکردووەتەوە، هەروەھا لە ساڵی ٢٠١٢ یەکەمین ئەلبوومی خۆی بە ناوی (درۆ) بڵاوکردووەتەوە .
هونەرمەندی شانۆكار خاتوو زریان حكیم دانیشتوی شاری هەڵەبجە و دەرچووی بەشی شانۆی پەیمانگەی هونەرەجوانەكانی هەڵەبجەیە، یەكێكە لە ئاكتەرە دیارەكانی بواری شانۆ و تا ئێستا خاوەنی چوار خەڵاتی نواندنە لە ڤێستیڤاڵەكانی شانۆی سەرشەقام و لە ئێستادا وەك مامۆستای وانەبێژ وانەی هونەر دەڵێتەوە.
لە دیدارێكی تایبەتدا بۆ هەفتەنامەی ژیانەوە باسی لەسەرەتاكانی كاری هونەری نواندن كرد، هەر لە تەمەنی ٧ ساڵی لە سەنتەری كازیوەی منداڵانەوە دەستی بەكاری نواندن كردووە، پاشان بەشداری بەرهەمەكانی چالاكی قوتابخانە‌كانی كردووە تاگەیشتووە بە پەیمانگەی هونەرەجوانەكان “.
هەروەها وتیشی:” لەگەڵ ژمارەیەك لە هاوڕێیانم گروپێكی شانۆییمان دروست كرد، بە ناوی گروپی پانتایی شانۆی واڵا كە بە بەردەوامی كارمان تێدا دەكرد، دواتر ناوی گروپەكەمان گۆری ( ز بۆ شانۆ) لەوێوە كارەكانی خۆم نمایش كرد، ئەو بەرهەمانەی كە پێشكەشم كردوون لەوانە ( شینە لە شیندام، سرودێك بۆ ئیكارۆ، مالی باوكم، چیرۆكی مردن لە بەهەشدا) هەروەها لە بە چەندین نمایشی شانۆیی بەشداریم كردووە “.
خاتوو زریان تا ئێستا توانیویەتی ببێتە خاوەنی چوار خەڵاتی باشترین ئەكتەری كچ و سەركەوتنێكی باش بەدەست بهێنێت لەم بارەیەوە زریان خۆی ووتی:” خودی خۆم كە توانیومە بەسەر سەرجەم ئەو بەربەستانەدا زاڵبم كە هاتونتە پێشم، بەڵام زۆر شت وا لە هونەرمەندی وڵاتی ئێمە دەكات سارد ببێتەوە و بەردەوام نەبێت لەوانە كلتور و كۆمەڵگە و خەلك و دەور و بەر، بەڵام گرنگ ئەوەیە ئەو شتەی كە ئارەزوتە و دەتەوێت فراوانتر بیری لێبكەیتەوە و ئەنجامی خۆشت لە بەرچاوبێ تا بزانی بۆ چ شتێك هەوڵ دەدەیت كۆڵ نەدەیت، كۆڵنەدان كلیلی سەركەوتنە “.
هەروەها زریان دەڵێت:” گرفتەكانی بەردەم شانۆكاران لە هەڵەبجە زۆر زۆرە، بەڵام لە هەموو گرنگتر كە هەموو كات باسی دەكەین نەبوونی هۆڵی شیا و نەبوونی بودجەیەكی تایبەت بەهونەری شانۆیە، ئەوانە وایكردووە كە نەتوانین وەك پێویست بەردەوام بێن، بەڵام لەگەڵ ئەوەشدا خۆنەویستانە بەردەوامین و لە سەرئاستی كوردستان هەڵەبجە لە ئەنجامێكی زۆر باشدایە و كۆمەڵێ ئەكتەر شانۆكاری زۆر باشمان هەیە نەوەك تەنها شانۆكار گۆرانی بێژ و میوزیسیانیش كە گرفتەكان نامان وەستێنن، ئێمە بەهۆی ئەو خۆشەویستیەی كە بۆ هونەر هەمانە بەربەستەكانمان پێكەوە تێپەراندوە بەیەكەوە ماوینەتە‌وە، وەكوو خێزان كاردەكەین”.
زریان حەكیم و هاورێكانی لە ئێستادا خەریكی ئامادەكردنی بەرهەمێكی شانۆین و دەیانەوێـت باشترین بەرهەم پێشكەشی هەڵەبجە بكەن هەروەها زریان وتی:” باوەر بەخۆ بوون و دیاری كردنی ئامانج هۆكاری سەر كەوتنە، ئەوەی لە ناخی خۆتە دەوروبەر نایبینێ ژینگە و كۆمەڵگە زۆر بەربەست دروست دەكا، بەڵام ڕۆژێ دێت لێت تێدەگەن و چەپلەت بۆ لێدەدەن كاتێ دەبینن بەردوامی ئەوانیش تێدەگەن و دەزانن لەسەر ڕێگا راستەكەی، بۆیە شانازی بەخۆت بكە و بەردەوام بە”.
جێگەی وەبیرهێنانەوەیە كە خۆشەویستی ژنانی هەڵەبجە بۆ هونەری شانۆ دەگەرێتەوە بۆ ساتەكانی پێش كیمیابارانی هەڵەبجە بۆ خوشكانی ئەحمەدی كوێخا سمایل باجەی رەشە عەزیز كە لەوكاتەدا وەكوو ئەكتەر رۆڵیان بینیوە و لە كاری شانۆییدا نواندنیان كردووە، كۆتاییدا گرنگ ئەوەیە كە تائێستاش لەو شارە ژن پێگەی خۆی پاراستووە، لە سەرجەم بوارەكاندا خزمەت دەكەن و جێدەستیان دیارە.
فیستیڤاڵەکە لەسەر ئاستی هەریەک لە وڵاتانی عەرەبی (عێراق، سوریا، مەغریب و لوبنان) بو و تێیدا (۱۷) کورتە فیلم رکابەری بردنەوەی خەڵاتیان دەکرد.
⠀⠀⠀⠀⠀⠀⠀⠀⠀⠀⠀⠀
ها قد أتى فصل الربيع جالباً معه بدايات وفرص جديدة. دعونا نستغل هذا الوقت لنشر الفرح والسعادة والحب، وإحداث تأثير إيجابي على مجتمعنا. عيد نوروز سعيد!
⠀⠀⠀⠀⠀⠀⠀⠀⠀⠀⠀⠀
⠀⠀⠀⠀⠀⠀⠀⠀⠀⠀⠀⠀
The arrival of spring brings a time of new beginnings and fresh starts. Let’s use this time to spread joy and happiness, promote kindness and understanding, and make a positive impact on our communities. Happy Newroz!
⠀⠀⠀⠀⠀⠀⠀⠀⠀⠀⠀⠀
میهرەبان: هەڵەبجە
ئەو ساتەی هەمووان سەرقاڵی خۆ ئامادەكردن بوون بۆ مەراسیمی یادی كیمیاباران كردنی هەڵەبجە، كچێك بە شەوق و هێزەوە ووتی:” من ڕێز لە شەهیدەكانمان دەگرم، بەڵام ئیتر كاتی ئەوەیە گەنجەكانمان بكەونە سەر پێی خۆیان و چاوەرێی كەس نەبن.
خاتوو شەیما حاتەم یەكێكە لە كچەكانی هەڵەبجە و لە ساڵی 2012 خوێندن تەواو دكات و دەرچووی بەشی ( ئاداب كوردی زانكۆی دهۆك)ە ، بەڵام بەهۆی بێكاری و نەبوونی هەلی دامەزراندن لە چەندین ڕێكخراو بە خۆبەخشانە كار دەكات ئەو باسی لەوەكرد كە” لە پاش دەرچوونی لە زانكۆ لە ڕێكخراوەكان كاری دەكرد ، بەڵام بە خۆشحاڵییەوە ئێستا توانی ئەو ئاواتەی كە هەیبوو بەدی بێنێت و ببێت بە خاوەن كاری خۆی”.
لە پاش ئەوەی شەیما لە ڕێكخراوی تواناسازی ژنان بڕێك هاوكاری وەردەگرێت ، بڕیار دەدات كار بكات وەك خۆی ووتی” حەز و ئارەزویەكم هەبوو بۆ گوڵ فرۆشتن و دانانی دوكانی گوڵا و دیزاینی ناوماڵ و شوێنی ئاهەنگەكان ، پێم خۆش بوو بیكەم بە كارێك بۆ خۆم ، بۆیە كۆتاجار بڕیارمدا دووكانێك بكەمەوە بە ناوی كەزیە شۆپ ، كاری لەسەر بكەم و بتوانم هەلی كاریش بۆ ژنانی تر برەخسێنم ، داوا لە كچان دەكەم بەردەوامبن لە كاركردن و ئەوەی ئاواتیانە و تەمەنای دەكەن هەوڵی بۆ بدەن”.
گروپی کۆتری خەیاڵ بەبەشداری دە ژنی شێوەکار و خۆشنوس ڕۆژهەڵاتی لە شاری سلێمانی کردەوە سومەیە و ئەسرین و سەیران فەهیم خێزانێکی هونەرمەندن لە بەشداربوانی پێشانگاکەن
سومیە بەسایتی تەوار وت : کاری هونەری سیرامیک وەک خویلیایەک بوو بۆ من پێش پێنج ساڵ یەکەم کارم دەستپێکرد لەناو ماڵەکەی خۆما و توانیم لە ساڵی 2020 لە کەرەنتینە بتوانم زۆر ترین کاری هونەریم بەرهەم بهێنم
هەروەها ئەسرین خۆشنوس باس لە کاری تیکەڵ کردی خۆشنوسی و وێنەکێشان دەکات و دەڵێت کاتێ دەستم کرد بەکاری خۆشنوسی خێزانم یەکەم پاڵشتم بون دواتر هاوسەر زیاتر لەخۆم حەزی دەکرد بەردەوام بم و پەرە بەهونەری وێنەکێشانیشم بدەم
سەیران بۆ تەوار: کارەکانم زیاتر سوتان لەسەر تەختەیەو کاری فۆتۆگرافیش دەکەم و ئیشەکانم گوزارشتە لە دەرخستنی توانای ژنان جگە لەکاری خێزانداری و پەروەردە دەتوانێت هونەرمەندبێت وشانبەشانی پیاوان بەهرەو توانای خۆی پیشان بدات
سوپرالیا: راپەرین
لقی راپەرینی یەكێتی ژنانی كوردستان بە هاوبەشی كۆلێجی پەرستیاری زانكۆی ڕاپەڕین سیمینارێكی زانستیان بۆ نەخۆشی شێرپەنجەی مەمك رێكخست.
ئەمرۆ بە ئامادەبوونی كادیرانی هەردوو كۆمیتەی ژنانی چوارقوڕنە و قەڵادزێ و ژمارەیەكی بەرچاو لە ژنان و مامۆستایان و پسپۆرانی تەندروستی لقی راپەرینی یەكێتی ژنان و كۆلێجی پەرستاری زانكۆی رایەرین پانێڵێكی زانستیان بۆ هاوشیاری لە نەخۆشی شێرپەنجەی مەمك رێكخست. بەئامادەبوونی دوكتۆرە نیاز پسپۆری نەخۆشیەكانی مەمك، دوكتۆر هۆشەنگ پسپۆری نەشتەرگەری گشتی و دوكتۆر ڕێناس پسپۆری یاریدەدەری ڕاگری كۆلێژی پەرستاری.
لەو پانێڵەدا بەگشتی باس لە نەخۆشی شێرپەنجەی مەمك كرا و هەروەها دیاریكردنی قۆناغەكانی هۆشیاری دەربارەی نەخۆشیەكە و چۆنێـی خۆپارێزی.
