]]>فیلمى سێگۆشه له سیناریۆ و ده‌رهێنانى کچه سینه‌ماکار ژینۆ هادى و به‌رهه‌مى یه‌کێتى ژنانى کوردستان توانى ببێته خاوه‌نى خه‌ڵاتى لیژنه‌ى داوه‌رانى ده‌یه‌مین فێستیڤاڵى فیلمى نێوده‌وڵه‌تى دهۆک.
له کاتى وه‌رگرتنى خه‌ڵاته‌که‌دا و له‌سه‌ر سته‌یجى فێستیڤاڵى دهۆک سینه‌ماکار ژینۆ هادى سوپاسى تایبه‌تى ئاراسته‌ى خاتوو (کافیه سلێمان) سکرتێرى یه‌کێتى ژنان کرد که هاوکار و پشتیوانى بووه له دروستکردنى فیلمه‌که‌دا و ژینۆ وتى” زۆر شه‌ره‌ف مه‌ندم که له‌سه‌ر ئه‌م سته‌یجه وه‌ستاوم، ئه‌م خه‌ڵاته وه‌ک ده‌ستکه‌وتێکى تاکه که‌سى سه‌یرى ناکه‌م، به‌ڵکوو هێمایه‌که بۆ سه‌لماندنى هێز و تواناى ژنان له هه‌موو بواره‌کاندا به‌تایبه‌تى هونه‌رى سینه‌ما، پێشکه‌شى ئه‌که‌م به هه‌موو ئه‌و ژنانه‌ى که له‌سه‌ر رێگان بۆ ئه‌وه‌ى بگه‌نه لوتکه‌ى سه‌رکه‌وتن.
هه‌روه‌ها ژینۆهادى سوپاسى تیمه‌که‌ى کرد که له‌گه‌ڵیدا بوون و هاوکارى بوون له دروستکردنى فیلمه‌که‌دا، هیواى خواست ژنان هه‌وڵ بده‌ن بۆ گه‌یشتن به خه‌ونه‌کانیان
لە ژێر دروشمی ژنانی كەركوك پێشەنگی ئازادی و بەگژاچوونەوەی ستەم و نادادین، لقی كەركوكی یەكێتی ژنانی كوردستان لە هۆڵی شەهید سیروان تاڵەبانی، بە ئامادەبوونی ژمارەیەك لە ژنانی شارەكە لە مەراسیمێكی شایستەدا پاڵپشتی خۆیان لە لیستی 142 ی هاوپەیمانی كەركوك هێز و ئیرادەمانە راگەیاند.
ئەمڕۆ بەئامادەبوونی خاتوو كافیە سڵێمان سكرتێری یەكێتی ژنانی كوردستان و ئەندامانی سكرتاریەت و كادرانی یەكێتی ژنان و بنەماڵەی خاتوو رزگار حسێن لقی سلێمانی یەكێتی ژنان لە تەلاری تەوار مەراسیمی ماتەم و چل ڕۆژەی ماڵئاوایی بۆ كۆچكردوو بەرێوەبرد.
لەومەراسیمەدا خاتوو لەیلا عەبدووڵا لێپرسراوی لقی سلێمانی یەكێتی ژنان لە وتەیەكیدا باسی لە رۆڵ و خەباتی خاتوو رزگار كرد لە نێو یەكێتی ژنان و بە ژنێكی سەنگین و دڵسۆزی ژنان و كوردستان وەسفیكرد و هیوای خواست داوا كۆستی بنەماڵەكەی بێت.
خاتوو ڕزگار حسین محمود لە ساڵی ١٩٥٧ لە گەڕەكی مەڵكەندی لە شاری سلێمانی لە دایكبووە، لەگەڵ مامۆستا (حمە رحیم) هاوسەرگیری كردووە و خاوەنی چوار مناڵە، لەگەڵ دروستبوونی شۆڕشی نوێ لە ناوچەی قەرەداغ لەگەڵ هاوسەرەكەی خزمەتی پێشمەرگەی كردووە، خۆشەویستی بۆ پێشمەرگە و شۆرش و كوردایەتی كاریگەری زۆری لەسەری هەبووە تا بەردەوام بێت لە خەبات كردن.
دوای ڕاپەڕینی كوردستان لە ساڵی ١٩٩٣ دەستیكردووە بەكاركردن لە ڕیزەكانی یەكێتی ژنانی كوردستان زۆر چالاك و بوێرانە ئەركی ناو ریزەكانی یەكێتی ژنانی كوردستانی ڕادەپەڕاندوو ئەندامی لقی سلێمانی یەكێتی ژنانی كوردستان بووە، هەمیشە كەسایەتیەكی بەڕێز و خۆشەویست بووە لای هاوڕێكانی بەڵام بەداخێكی زۆرەوە نەخۆشی ڕێگەی نەدا كاروانی خەبات و ماندووبوونی بگەیەنێتە كەناری سەركەوتن و بۆ دواجار لە ٢٧/٨/٢٠٢٣ لە نەخۆشخانە چاوی هیلاك وماندووبونی بە رووی خۆشەویستانی بۆ هەمیشە داخست. هەزاران سلاو بۆ رۆحی پاكی خاتوو رزگار و تەمەن درێژی بۆ كەس و كار و هاوخەباتەكانی.
لەدیدارێكیدا بۆ بەرنامەی تەوار كە بەرنامەیەكی رۆشنبیری یەكێتی ژنانی كوردستان بوو لە تەلەفزیۆنی گەلی كوردستانەوە پێشكەش دەكرا. هونەرمەند مەرزیە فەریقی یەكێك لەبەرهەمەكانی خۆی دەكاتە دیاری بۆ ژنانی كوردستان.
لە دیدارەكەدا هونەرمەندی كۆچكردوو دڵخۆشی خۆی بۆ پێشكەوتن و ئەزموونی ژنانی باشوری كوردستان دەردەبڕێت و یەكێك لە گۆرانیەكانی دەخوێنێت كە بەتایبەت بۆ ژنی كوردی وتووە. لەو دیدارە كۆمەڵاتی و فكری و هونەریدا مەرزیە باس لە كێشەو و گرفەتەكانی بەردەمی ژنان دەكات و لەگەڵ ئەوەشدا گەشبینە بەو هەنگاوانەی ژنانی باشوری كوردستان لە وبوارانەدا هەڵیان گرتووە. لە كۆتایی دیدارەكەشدا نوێترین بەهەمی هونەری خۆی پێشكەش دەكات و وەك خۆی دەڵێت” لەگەڵ گەرانەوەم بۆ سلێمانی گۆرانیەكم هێناوە كە وادەزانم ملیۆنەها ژنی كورد لە ناو ئەو گۆرانیەدا ئەبینەمەوە وەك هەدییەك بۆ ژنان ئەگەر لیم قبوڵبكەن” هەزاران سڵاو بۆ گیانی پەپولە ئاسای مەرزیەی فەریقی ]]>
ئەمڕۆ لەشاری لۆزانی وڵاتی سویسرا، كۆتایی بەكۆنفرانسی یادەی (100) ساڵەی پەیمانی لۆزان هات كە كۆنگرەی نەتەوەیی كوردستان (كەنەكە) بۆ ماوەی دوو رۆژ رێكیخستبوو.
خاتوو كنێر عەبدوڵا ئەندامی سكرتارییەتی یەكێتی ژنانی كوردستان یەكێك بوو لەبەشداربووانی ئەو كۆنفرانسە لەلێدوانێكی تایبەتدا بە تۆڕی میدیایی تەواری راگەیاند: كۆنفرانسەكە لەهۆڵی پۆلیۆ لەوڵاتی سویسرا ئەنجامدرا کە زیاتر لە 600 ئەندام لە پارچەكانی كوردستان‌و ئەوروپا و جیهانەوە بەشدارییان تیا كردبوو.
وتیشی: “لەكۆنفرانسەكەدا جگە لەگرنگی یەكێتی نەتەوەیی لەسەدەی نوێدا، باس لەچارەنووسی كوردستان و لێكەوتەكانی پەیمانی لۆزان لەسەر كورد كرا‌و لەرێی چەند پانێلێكەوە تیشك خرایە سەر هۆكار‌و بەربەست و چارەسەرییەكان، هەروەك باس لەخەبات و تێكۆشانی ژنانی كوردستان كرا”.
خاتوو كنێر ئاماژەی بەوەشدا : “ئەمڕۆ لەدووەم رۆژی كۆنفرانسەكەدا بەچەندین راسپاردە و بڕیار كۆتایی بەكۆنفرانسەكە هات”.
كنێر عەبدوڵا باسی لەوەشكرد كە لەكۆنفرانسەكەدا پەیامی پیرۆزبایی یەكێتی ژنانی كوردستانی ئاراستەی بەشداربوان و ئەنجامدەرانی كۆنفرانسەكە كردووە و بروسكەی پیرۆزبایی خوێندۆتەوە.
لەیلا سلێمان – هەولێر
