بەڕێوەبەرایەتی پۆلیسی زاخۆ بڵاویکردووەتەوە دوای رووداوەکە هێزەکانیان گەیشتوونەتە شوێنی رووداوەکە و دەستبەجێ تۆمەتبارەکەیان دەستگیرکردووە و لێکۆڵینەوە لە ڕوداوەکە بەردەوامە.
دەشڵێت:” تاوەکو ئێستا نازانرێت هۆکاری کوشتنەکە چیبوە”.
]]>بە بۆنەی رۆژی جیهانی پەرستارانەوە لقی دهۆكی یەكێتی ژنانی كوردستان بە مەبەستی پیرۆزبایی لە پەرستاران سەردانی لقی دهۆكی سەندیكای پەرستارانیان كرد.
ئەمرۆ یەکشەممە ١٢ی ئایاری ٢٠٢٤، بە بۆنەی رۆژی جیهانی پەرستارانەوە لە باخچەی سەندیكای پەرستاران ئاهەنگێك بۆ رێزلێنان لە پەرستاران رێكخرا و لقی دهۆكی یەكێتی ژنانی كوردستان سەردانی سەندیكایان كردوو پیرۆزبایی یەكێتی ژنانی كوردستانیان گەیاندە پەرستارانی دهۆك.
لەیلا قاسم لە گوندی بانی میل لەنزیک شاری خانەقی لە ئامێزی بنەماڵەیەکی نیشتیمانپەروەر لە ساڵی ١٩٥٠ لەدایکبووە بەهوی ئەوەی براکانی پێشمەرگەی کوردستان بوون هەمیشە توشی ڕاوەدونان دەبونەوە.
لەیلا قاسم لە زانکۆی بەغدا بەشی کۆمەڵناسی تەواوکردووە و پەیوەندی دەکات بە ڕیزەکانی پارتی دیمکراتی کوردستانەوەو بەردەوام دەبێت لە خەبات لە ڕۆژی ١٩٧٤/٥/١٢ لەگەڵ هەریەکە لە هاوڕێکانی نەریمانی فوئاد مەستی و ئازاد میران و جەواد و حەسەن حەمەڕەشید و چەند هاوڕێیەکی دیەکی حوکمی لەسێدارەدانیان لەلایەن ڕژێمی بەعسەوە بۆ دەرچوو کە جگە لە جەواد ئەوانی دیکە خوێندکاری زانکۆبون.
لەڕۆژی/١٩٧٤/٥/١٢ حوکمەکەیان جێبەجێ کرا و چوونە کاروانی نەمران کە بووە یەکەمجار لە مێژوی عێراقدا ژنێک لەسەر بیروڕای سیاسی لەسێدارە بدرێت و بووە وەرچەرخانێک لە مێژوی خەباتی ژناندا.
هەزار درود لە ڕۆحی پاکی لەیلا قاسم هێمای خەباتی ژنانی کوردستان
]]>12ـی ئایاری هەموو ساڵێك بە ڕۆژی جیهاینی پەرستاران ناسراوە، لەو ڕۆژەدا ڕێز لە پەرستاران دەگیرێت لە بەرانبەر ئەو خزمەتەی پێشكەشی كۆمەڵگەی دەكەن.
ئەمڕۆ لە زانکۆی سلێمانی سەندیكای كارمەندانی تەندروستی مەراسیمێکی بۆ ئەو یادە رێکخست و چەندین چالاکی جۆراور جۆر ئەنجامدران و خەڵاتی رێزلێنانیش بەخشرایە چەند پەرستارێک و کەسوکاری چەند پەرستارێکیش کە لەکاتی ئەرکدا بەهۆی پیشەکەیانەوە گیانیانلەدەستداوە.
هاوژین عوسمان، سەرۆکی لقی سلێمانی سەندیکای کارمەندانی تەندروتسی رایگەیاند، وەک پێویست ئاوڕ لە پەرستاران نەدراوەتەوە لەنەخۆشخانەکاندا و حکومەتی هەرێمی کوردستانیش وەک پێویست ماف و شایستە داراییەکانیان بۆ دابین ناکات و دایاننامەزرێنێت.
وتیشی: پەرستاران نەبن ناوەندی تەندروستی بەتەواوەتی پەکی دەکەوێت،
یادی رۆژی جیهانی پەرستاران هاوکاتە لەگەڵ رۆژی لەدایکبوونی خانمە پەرستار فلۆرێنس نایتینجڵ، کە لە بەرواری 12ی ئایاری ساڵی 1820 لەدایکبووە و بە دامەزرێنەر و دۆزەرەوەی پەرستاری مۆدێرن دادەندرێت. هەر بۆیە کونسوڵی گشتی پەرستاران لەساڵی 1974ەوە ساڵانە یادی ئەمڕۆژە دەکاتەوە.
شایانی باسە یەکێک لە پانێڵەکان لەژێر ناونیشانیی سایبەر فێمێنیزم لە لایەن خاتو شیرین تاهیر توێژەرو لێکۆڵەرو سەر نوسەری گۆڤاری تەوارەوە پێشکەشکرا .
ئەمرۆ دووەم رۆژی هەشتەمین کۆنفرانسی پلاتفۆڕمی دابڕان لە شاری سلێمانی بەڕێوەچوو تێیدا جەند پانێڵ و دایدارێک پێشکەش کران.
٣٦ساڵ بەسەر ئەنفالی گوندەکانی خاڵاخاڵان و گوندی جەلەمۆرد ناوچەی شوان و ئاغجەلەر تێپەڕی کە لەدوا پڕۆسەی دەستی ڕەشی ئەنفالدا گوندەکانی ئەو ناوچەیە بەر شاڵاوی ئەنفال کەوتن و بەسەدان هاوڵاتی ئەو گوندانە بێسەرو شوێن کران.
ئەمڕۆ هەینی ١٠-٥-٢٠٢٤، خاتو دیمەن لێپرسراوی لق و ئەندامانی یەکێتی ژنانی کوردستان/ لقی کەرکوک سەردانی گوندەکانی خاڵخاڵان و جەلە مۆرد شێخ بزەینی و ناوچەی شوانیان کردو بەشداریان کرد لەو مەراسیمەی کە لەو یادەدا ساز کرابوو کەسوکاری ئەنفال کراوەکانیان بەسەرکردەوە
لەو شاڵاوەدا ژمارەیەکی زۆری ئەو گوندانە بەرکەوتون ودانیشتوانیان بێسەرو شوێنکراون .
لقی دهۆكی یەكێتی ژنانی كوردستان كتێبی ( ژن بەرڤ هێزبوونێ) بڵاو دەكاتەوە كە تایبەتە بە هۆشیاری دەربارەی سۆشیال میدیا.
لقی دهۆكی یەكێتی ژنانی كوردستان بە مەبەستی بڵاوكردنەوەی هۆشیاری لای هاوڵاتیان و بە تایبەت ژنان دەربارەی بەكارهێنانی سۆشیال میدیا، لە باخچەی لقی دهۆك بە ئامادەبوونی خاتوو لولاڤ داوود نوسەر و ژمارەیەك لە رۆشنبیرانی شارەكە، كۆڕێكی رۆشنبیری بۆ ناساندن و بڵاوكردنەوەی كتیبی ( ژن بەرڤ هێزبوونێ) رێكخست.
هەروەها بەشێك لە كادرانی لقی دهۆك لەسەر شەقام و شوێنە گشتیەكاندا بەبێ بەرامبەر كتێبی (ژن بەرڤ هێزبوونێ) نیان بە دیاری بەخشیە هاوڵاتیان بەمەبەستی زیاتری سودمەندبوون لە سەر كێشەكان و رۆشنبیری بە كارهێنانی سۆشیال میدیا.
كازیوە لە ناحیەی خورماڵ دەردەكەوێت و بە بەهرە و توانا جیاوازەكانی دەبێتە جێگەی سەرنجی خەڵك، كازیوە شاهۆ وەك خۆی دەڵێت” من یاریزانی كاراتیم و ئەندامی تۆڕی گۆرانكاری و كەمپەینی (مەڕۆ چاكی كە)م” ئەو دەرچووی بەشی (ئای تی)یە و پاش ئەوەی زانكۆ تەواو دەكات خولیای بووە كارێك بكات كە لەگەڵ حەز و خولیاكانی خۆی بگونجێت.
خاتوو كازیوە لە دیدارێكی تایبەتدا بۆ سایتی تەوار وتی:” هەر لە منداڵییەوە خولیایەكی زۆرم بۆ وەرزش هەبوو بە تایبەت وەرزشی كاراتی، چونكە پێم وابوو لە ڕووی جەستەیی و دەرونییەوە سود بە یاریزان دەگەیەنێت، هەروەها ئەم یارییە یاریەكی تەواو زانستی و هونەرییە و لە یاری هونەرە جەنگیەكان جیاوازە و دوای یارییكردن شەكەتی جەستەیت نابێت”.
سەبارەت بە ڕۆڵی كچان لەم یارییەدا كازیوە دەڵێت:” جاران كچان ڕۆڵیان نەبوو لەم یاریەدا، بەڵام ئێستا یانەكان گرنگیەكی زۆر بە یاریزانانی كچ دەدەن و دەتوانن سەركەوتن بە دەست بهێنن”.
هەروەها كازیوە جگە لە كاری وەرزش كردن باسی لەوەكرد كە چەندین كاری تر دەكات لە شارۆچكەی خورماڵ و ووتی:”ئێستا كەمپینەرم لە تۆڕی گۆڕانكاری (مەرۆ چاكی كە) تا وەكوو بتوانین وا لە گەنجەكانمان بكەین بمێننەوە و كار لەسەر پیشەكانی خۆمان بكەین و بتوانین گەنجان چەق بەستوو بكەین و لە وڵاتی خۆماندا خزمەت بكەین نەوەك لە دەرەوە”.
جگە لەو كارانە خاتوو كازیوە بۆ دابینكردنی بژێوی ژیانی بە سپۆنسەری ڤیم فاوندەیشن كافێیەكی لە شارۆچكەی خورماڵ كردووەتەوە و ئەو دەیەوێ پێمان بڵێت لە ڕێگەی كارەكەیەوە داهات بۆ خۆی و خێزانەكەی دابین دەكات.
ئەمڕۆ لە سەرتاسەری هەرێمی کوردستان تاقیکردنەوەکانی پۆلی ٩ی بنەڕەتی دەستیپێکرد و ماوەی ٧ رۆژ بەردەوام دەبێت.
ئەمرۆ سێشەممە ٧-٥-٢٠٢٤، لە سەرجەم شارەکانی هەرێمی کوردستان تاقیکردنەوەکانی پۆلی ٩ی بنەڕەتی دەستیپێکرد و تاوەکو رۆژی ١٤-٥-٢٠٢٤ تەواو دەبێت و لە هەموو شارەکان یەک جۆر پرسیار بۆ خوێندکاران دانراوە.
لە سلێمانی ٢٨ هەزار و ٩٣٤ خوێندکار لە ٤١٩ هۆڵدا بەشداری تاقیکردنەوەکان دەکەن و سێ هەزار و ٧٧١ مامۆستا و بەڕێوەبەر و سەرپەرشتیار چاودێری پرۆسەکە دەکەن، لە پارێزگای هەولێریش ١٦ هەزار و ٩٠٢ خوێندکار لە ٢٤٧ هۆڵدا تاقیکردنەوەکان ئەنجامدەدەن.
خولی دووەمی تاقیکردنەوەکانیش رۆژی ٢٦-٥-٢٠٢٧ دەستپێدەکات.
]]>كۆمیتەی كفری یەكێتی ژنانی كوردستان كۆڕێكی تەندروستی بۆ ژنانی سنورەكە رێکخست و و هاوكاری خێزانە هەژارەكانیش دەكات.
ئەمرۆ دووشەممە، لە كۆمیتەی كفری یەكێتی ژنان كوردستان بەشی تەندروستی كۆڕێكی تەندروستیان بۆ خاتوو لەیلا حەمەعەزیز رێكخست كە تێدای ژمارەیەك لە ژنانی سنورەكە ئامادەبوون و باس لە كێشە تەندروستیەكانی ژنان كرا.
هەروەها كۆمیتەی كفری یەكێتی ژنانی كوردستان چەندین سەبەتەی خوراك و پێداویستی جل و بەرگی پێشكەش بە ژمارەك خێزانی هەژار و کەمدەرامەتی سنورەكە كرد.
ژمارەیەک لەکەس وکاری ئەنفالکراوەکانی گەرمیان لەشارۆچکەکانی کەلاروکفری و خورماتوو و چەمچەماڵ بەشێک لەچالاکوانانی ئەنفال و نوسەرانی بواری جینۆساید و بەڕیوەبەرایەتی شەهیدان وئەنفالکراوەکانی گەرمیان
لەماوەی دوو ڕۆژدا بە چەند چالاکیەک یادی ئەنفالیان کردەوە
ڕۆژی سێ شەممە بەرواری
16/4/2023
لەناو هۆڵی پەرلەمانی عێراق پێشانگایەکی تایبەت بەوێنەی ئەنفالکراوان کرایەوە
هەر هەمان ڕۆژ چالاکی تریان لەساحەی تەحریر ئەنجامدا
ڕۆژی دووەم بەرواری 17/4/2024
چوونەتە پارێزگای سەماوە لەخوارووی عێراق.
کەس وکاری ئەنفالکراوەکان ، یادی ساڵیادی 36 تاوانی ئەنفال بەمەراسیمێکی شکۆدار دەکەنەوە و لەسەر گۆڕی ئازیزانیان لە نزیک گرتووخانەی نوگرە سەلمان، یادی ئەو تاوانەیان کردەوە
هاوژین شکور /گەرمیان
تەرمی ئەو کچەی پلش پێنج مانگ لەلایەن دو کوڕەوە خرایە خوارەوەلە تەلارێکی نیشتە جێبون
ئەمڕۆ بەکوژراوی لە ماڵەکەی خۆیدا دۆزرایەوە.
ئەو کوڕانەی کە کچەکەیان لە شوقەکەی هەڵدابویەخوارەوە دو کوڕی تیکتۆکچیبون و بە سوڵحی عەشایەری پێش ماوەیەک بەرامبەر بڕێک پارە کێشەکەیان چارەسەرکردوە
ئەم کچە لەگەڵ دایکی و زڕ باوکی ژیاوە و باوکیو دایکی جیا بونەتەوە ، ،گۆمانەکان بۆ ئەوە دەچێت کەلەلایەن باوکیەوە کوژرابێت .
تەرمەکەی لەلایەن پۆلیسەوە بۆ پزیشکی دادی هەولێرگواستراوەتەوە
یەکێتی ژنانی کوردستان بۆ ڕۆژی دووەم بە پێشانگایەکی فۆتۆگرافی بۆ فۆتۆگرافەر ( جەوھەر کانی ھەنجیری ) لە مۆنۆمێنتی چەمچەماڵ بەشدارێکرد بە ناونیشانی دوای ٣٦ ساڵ فرمێسکی دایکان بەردەوامە . ئایا دەبێ کەی و چۆن ھەوڵ بۆ هێورکردنەوەی فرمێسکەکانیان بدرێیت لە دوای ٣٦ ساڵ چاوەڕێی گەرانەوەی روفاتی کەس و کاریانن.
لەیادی جینۆسایدو تێپەڕ بونی ٣٦ساڵ بەسەر کارەساتی ئەنفالدا ئەمڕۆ لە مۆنەمێنتی چەمچەماڵ مەراسیمێک ڕێکخراو پێشوازی لە کەسو کاری قوربانیانی ئەنفال کرا بەبەشداری جەماوەرێکی زۆرو بەرپرسانی حکومی و حیزبی و
هەر لەو مەراسیمەدا یەکێتی ژنانی کوردستان ھەستا بەکردنەوەی پێشانگایەکی فۆتۆ گرافی لە ژێر ناوی
( دوای ٣٦ ساڵ فرمێسکەکانی ئەنفال بەردەوامیان ھەیە ) بۆ فۆتۆ گرافەر جەوھەر کانی ھەنجیری وێنەی فۆتۆگرافی کەسوکاری قوڕبانیانی ئەنفالکراوەکانە .
لقی کەرکوکی یەکیتی ژنانی کوردستان بەشداری و ئامادەکاریەکی بەرچاویان هەبو لەو مەراسیمەدا .
نور چەمچەماڵ
بەبۆنەی تێپەڕبونی ٣٦ساڵ بەسەر ئەنفالو جینۆسایدی کورددا ئەمڕۆ نۆێنەرانی یەکیتی ژنانی کوردستان و ڕێکخراوەکانی ژنان وڕێکخراوەکانی تایبەت بە ئەنفالو جەماوەرێکی زۆر سەردانی گرتوخانەی تۆپزاوایان کرد.
گرتوخانەی تۆپزئاوا ئەو( مەرگخانە) گرتوخانەیە بو کەڕژێمی بەعسی لەناوچو لەکاتی شاڵاوەکانی ئەنفالدا هاوڵاتیانی تیادا ڕاگرتبو لە خراپترین تراجیدیای مەرگدا ژیانیان دەگوزەراند و ژمارەیەکی زۆریان لەو گرتوخانەیەدا گیانیان سپارد .
]]>
مام جەلال هەمیشە بە سەمامی ئەمان دائەنرا بۆ کوردو بۆعیراق بەهەمو پێکهاتەکانیەوە، خەم خۆرو پشتو پەنای پرسەکانی ژنان بوو.
دروود بۆ ڕۆحی ئەو سەرکردە مەزنە
خێزانێكی پێنج كەسی دوای لە دەستدانی كوڕەكەیان بەناوی ئەحمەد بەشێرپەنجە، لە گۆشەیەكی نەخۆشخانەی هیوا* لە شاری سلێمانی ڕۆژانە بۆ ماوەی ١٢ كاتژمێر خەریكی ئامادەكردنی خواردنن بۆ توشبوانی نەخۆشییە جیاوازەكانی شێرپەنجە.
چیرۆكی كاركردنی ئەو خێزانە و خواردن دروستكردن بۆ نەخۆشەكان لەوەوە سەرچاوە دەگرێت كە ٨ ساڵ پێش ئێستا كوڕەكەیان تووشی شێرپەنجە بووە، بەو هۆیەوە دوای ململانێی لەگەڵ نەخۆشییەكەی كۆچی دوایی دەكات، بەڵام پێش مردنی ئەحمەدی كوڕیان وەسێتیان بۆدەكات و دوا داواكاری بۆیان ئەوەبوو كە خزمەتی نەخۆشخانەی هیوا بكەن، ئێستا ئەو خێزانە لەسەر وەسێتی كوڕەكەیان رۆژانە لە نەخۆشخانەكە خزمەت دەكەن.
لەنجە عەبدوڵا دایكی ئەحمەدەو چیرۆكی نەخۆش كەوتنی كورەكەی بۆ ژیانەوە دەگێڕێتەوەو دەڵێت: نەخۆش كەوتنی كوڕەكەم زۆر كتوپڕبوو، دووڕۆژ بوو ئەڵقەی دەستگیرانی گۆڕیبوەوە، دوای ئەوە وتی: “نەخۆشم كاتێك بردمانە نەخۆشخانە دوای پشكنینەكان دەركەوت كە شێرپەنجەی خوێنی هەیە”.
دایكی ئەحمەدی كۆچكردوو باسی لەوەكرد، دوای نەخۆشكەوتنی كوڕەكەیان، بردویانەتە لوبنان، سیستەمی خواردنی ئەوان زۆر جیاوازتر بوو لە كوردستان، “بۆیە لەوكاتانەدا داوامان لە چێشتخانەكەی ئەوێ كرد كە لەگەڵیان بمێنینەوە ئەوانیش قبوڵیان كردو بۆماوەی دوو مانگ لەگەڵیاندا بووین سیستەمی خواردن دروستكردنی ئەوان فێر بووین”.
لەنجە باس لە دروستكردنی ئەم چێشتخانە بچوووكەی نەخۆشخانەی هیوا دەكات و دەڵێت: دانانی ئەم چێشتخانەیە كتوپڕ بوو دوای نەخۆش كەوتنی كوڕەكەمان ئەو كاتە هاوسەرەكەم چێشتخانەی تایبەتی هەبوو، خۆم دوكانم هەبوو بەهەمان شێوە كوڕەكەم دوكانی جوانكاری هەبوو، هەرگیز بیرمان لە شتێكی لەم جۆرە نەكردبووەوە، تەنانەت هەر نەماندەزانی نەخۆشخانەی هیواش هەیە، بەڵام دواتر كە توشی شێرپەنجە بوو بردمانە دەرەوەی وڵات بۆچارەسەر خواردنی ئەو نەخۆشخانەمان بینی وهاتینەوە بۆ كوردستان هەمیشە دەیوت بۆناچیت ئەو خواردنانە بكەیت بۆنەخۆشەكان منیش دەموت ڕێگەپێدراو نییە، وتی باچاك ببمەوە بەرنامەیەكی خواردن دادەنێم وەكو لوبنان خواردنەكان لێدەنێم، بۆیە دوای مردنی ئەو بیرمان لەهیچی دیكە نەكردەوە تەنها بڕیارماندا ئەم چێشتخانەیە دابنێێن و ئێستاش تەنها كاری خێرخوازی گەورەترین ئامانجە لامان”.
لەبارەی ماوەی كاركردنیان، لەنجە ئاماژەی بەوەشكرد، “بۆ ماوەی ٧ ساڵە خۆم و دوو كچەكەم بێ بەرامبەر و كوڕێكی دیكەش كە ئەو پارەی لە لایەن خێرخوازانەوە بۆ دابین كراوە ئەو كارە دەكەین تەنیا هاوسەرەكەم مووچەیەكی رەمزی كەمی هەیە و رۆژانەش لە ٧بەیانی بۆ ٧ئێوارە دێینە ئێرە و خواردنی ٣٠٠ بۆ ٤٠٠ كەس بە نەخۆش و كەسی دیكە ئامادە دەكەین كە تەنها خواردنی ٢٠ كەس نەخۆشخانەكە دابینی دەكات ئەوەی دیكە خێرخوازان دابینی دەكەن و ئێمەش ئامادەی دەكەین”.
لەنجە لەگەڵ ئەوەی كە ماوەیەكی زۆرە بەو ئازار و یادەوەری لەدەستدانی كورەكەیەوە ئەژی، بەڵام لەو نەخۆشخانەیە خواردن بۆ نەخۆشەكان ئامادە دەكات گلەیی هەیە و دەڵێت: ئێستا هەوڵدەدەم كارێك بۆ كجەكەم دابین بكەم، تاوەكو ئێستاش كەسێك نەهاتوە یان ئیشەكەمان شایستەی پێزانین بێت پشتگیریمان بكات و پێی بزاندرێت، چونكە كەم كەس هەیە بتوانێت ئەو كارەی ئێمە بكات بەو هەموو ئازارەوە سەرەڕای قورسی كارەكە، بۆیە داوا دەكەین كەسێكمان بۆ دابمەزرێنن، چونكە خەڵك هەیە كارمان لەگەڵ بكات، بەڵام بێ بەرامبەر ئەو كارە ناكات.
ئەو خێزانە داوا دەكەن كە شوێنی چێشتخانەكەیان بۆ گەورە بكرێت و دەڵێن: “ئێمە دەمانەوێت شوێنەكە گەورەتر بكرێت، چونكە ئێمە لە بەیانییەوە تا ئێوارە لەم شوێنە بچوكەداین، تەنها شوێنی پشوودانمان بۆ دابین بكەن، تاوەكو ئێستا هیچ شتێكیان بۆ نەكردوین، راستە ئێمە لەبەرخوا ئەو كارە دەكەین، بەڵام هاندان و پێزانینیك هەبێت خۆشە، بە تایبەت ئێستا كە رەمەزانە ئێستا كاتی ڕەمەزان دەبێت 2:30 شەو بڕۆینەوە راستە نەخۆش بەرۆژوو نابێت، بەڵام هاوەڵەكانیان بە رۆژوو دەبن و پێویستیان بە خواردن هەیە”.
لەنجە دەڵێت، خواردن لەهەموو نەخۆشخانەكان دروست دەكرێت، بەڵام ئەمەی ئێمە جیاوازە و بە پێی ستاندار و رێنماییە پزیشكییەكان ئامادەی دەكەین.
لەنیا كامەران، خوشكی ئەحمەدە، دیزاینی خواردن بۆ نەخۆشەكان دەكات و دەڵێت: من زۆر خۆشحاڵم كە لێرەدا دەتوانم خزمەتی نەخۆشەكانی ئەم نەخۆشخانەیە بكەم، هەر نەخۆشێك دەبینم براكەمم بیر دەكەوێتەوە، بەڵام هەمیشە هیوا بە نەخۆشەكان دەبەخشم و هێزو ورەیان پێدەبەخشم، ئەم نەخۆشانە پێویستیان بە دڵنەوایی هەیە و خۆشم خواردنەكانیان پێشكەش دەكەم و وەك هاوڕێمان لێهاتووە لەگەڵ نەخۆشەكاندا.
*(نەخۆشخانەی هیوا نەخۆشخانەیەكی (180) تەختی تایبەتە بە نەخۆشانی شێرپەنجە و نەخۆشیەكانی خوێن، لە مانگی 8 ساڵی 2007 لەشاری سلێمانی دروستكراوە، لەڕووی زانستیەوە ئەم نەخۆشخانەیە بەپلەی یەكەم دێت لە عێراقدا، وایكردوە سلێمانی بكاتە پایتەختی چارەسەركردنی نەخۆشانی شێرپەنجە، زیاتر لە 100 پزیشكی شارەكانی دیكەی هەرێمی كوردستان و عێراق لەم نەخۆشخانەیەوە بڕوانامەو پسپۆڕیان وەرگرتوە، لەم نەخۆشخانەیە تەواوی خزمەتگوزاریەكان بێبەرامبەرە، بەشێكی خەرجی نەخۆشخانەكە بە كۆمەك و سندوقی یارمەتی توشبوانی شێرپەنجەیە، لەڕێگەی ڕێكخراوو كەسانی خێرخوازی دیكە هاوكاری مادی و مەعنەوی پێشكەش دەكرێت، ئەم نەخۆشخانەیە نەخۆش لەتەواوی شارەكانی هەرێمی كوردستان و عێراق وەردەگرێت بەهاوكاری لەگەڵ دەزگای تەندروستی پێشمەرگە (شۆرش) پشكنین و بەشەكانی دیكەی وەك تیشك و ڕێكارەكانی دیكەی تەواو دەكات).
بەپێی ئاماری بەرێوبەرایەتی گشتی تەندروستی سلێمانی لە ماوەی مانگی ڕابردوو لە ڕێكەوتی (1 بۆ 2024/2/29) لە نەخۆشخانەی منداڵبوونی فریاكەوتنی فێركاری 2.499 نەخۆش سەردانیان كردووە، لەو ژمارەیە 1.504 نەخۆش داخڵ كراون و چارەسەری پێویستیان بۆ كراوە،
هەروەها لە ئامارەكەدا هاتووە كە لە مانگی ڕابردوودا 943 منداڵ لە نەخۆشخانەی منداڵبوونی فریاكەوتنی فێركاری لەدایك بوون و 508 منداڵ كوڕ بوون و 435 منداڵ كچ بووە، لەو ژمارەیە 524 منداڵیان بەشێوەی سروشتی لە دایك بوون و ئەوانیتر لە ڕێگەی نەشتەرگەرییەوە بووە.
هاوكات 195 منداڵ لە بەشی نەبەكام داخڵ كراون و 21 حاڵەتی لە دایكبوونی دووانە و 1 حاڵەتی لە دایكبوونی سیانە و 1 حاڵەتی لە دایكبوونی چوارینە و 99 حاڵەتی لە بارچوونی منداڵ تۆماركراوە.
StandUp4HumanRights #InvestInWomen #WomensDay #IWD2024
UNHumanRightsMENA
IraqiAlamalAssociation
MallofKirkuk
المفوضية العليا لحقوق الانسان – العراق
قسم الشؤون المرأة والاسرة والطفل وذوي جرحى والشهداء
