نوسینی: نما سۆران
بەھێزکردنی کۆمەلگەو بەرەوپیش چونی وابەستەیە بە ژنەوە . ھەرچەن ژنان یەکەم قوربانی دەری کلتورو دینن سەرەرای ئەوەش ژنان و بەھێزی ژنان و بەرەنگار بوونەوەی ژنان بەرامبەر ھەموو ئەو کۆت بەندەش کە بۆی دانراوە بگرە لە ناو ئەو کۆت و بەندەش بە جۆرێک لە جۆرەکان دەوری کاریگەری خۆی ھەبوە بە خۆ گونجان و ھەلکردنیان لەگەل ئەو کلتورە بۆ بەرو پیش چوون و بەھێزی گۆمەلگە و خێزان بەجۆرێک کە پیاوان خۆیان ھەر لە کۆنەوە سەرەرای ئەقلی پیاو سالاریان باوەرنەبونیان بە ژن و توانای ژنان بەردەوام وتویانە
( ژن پیاو دەکات بەپیاو ژن پیاو لە پیاوەتی ئەخا )یاخود کاتێک مندالێک بەجۆرێک لە جۆرەکان توشی کێشەیەک دەبێیت دیسان پیاوان دەڵێن
( دایک ھۆکاری رەفتاری مندالەکەیە ) زۆرجار پیاوەکان ئەمەیان بۆ ئەوە بەکار ھێناوە بۆ ئەوەی لە پیاوەتی خۆیان کەم نەبێتەوە ناپیاویان گێراوەتەوە بۆ خراپی ژنەکانیان بەلام ئەگەر لە روویەکی ترەوە بیر بکەینەوە کەواتە ژن دەورو کاریگەری زۆری ھەیە لەسەر گۆمەلگەو خێزان وا دەکات . کە دەوری ژن بەرز بنرخێنرێ لەو ڕوەوە . خۆی لەخۆیا شیکردنەوەی ئەم قسانە بە ژیرانە نەک بە ئەقلی پیاوانە دەورو گرنگی ژن دەخاتە روو بۆ کۆمەلگە بۆ خێزان
لەکۆمەڵگای دواکەوتو خاوەن کلتوری داخراو، ژنان زیاتر کەوتونەتە بەر هێرش و تانەی کۆمەڵگا و چەوسێنراونەتەوە تەنها لەبەر ژن بونیان، ئەمەش لە ھەندێ ژن دا دەبێتە هۆی تێکشکاندنی سایکۆلۆجی و کەسایەتی ژنان وا دەکات بە ناخێکی شکاوە گەورە ببن و ژیان بگوزەرێنن .
لە ھەندێک لە ژنانیشدا بوەتە خالی بەھێزی و بوەبە بوێری و بوە بە ھێزی بەرەنگار بوونەوە بەرامبەر ھەموو ئەو ھێرش و چەوساندنەوانەوە بە پێی سەردەمە یەک لە دوایەکەکان ژنان توانیویانە جێی دەست و پێی خۆیان لە ھەموو بوارکان بچەسپێنن بێنە پێشەوە زۆر بەی زۆری ئەو داب و نەریتە دژە ژنانە نەھێلن و واش بکەن کۆمەلگەش بەجۆرێک لە جۆرەکان بگۆرن .
پێویستە ژنان هەوڵ و کۆششەکانی خۆیان زیاتر بکەن بە بەرزکردنەوەی ئاستی توانا و زانیاریەکانیان و بۆ سەلماندنی خود و چەسپاندنی مافەکانیان لەسەر بنەمای مرۆڤ بونی، لە میژوودا لاپەڕەکانی پڕن لە ناوی ژنانی درەوشاوە لە بوارەکانی روبەڕوبونەوەی نەخوێندەواری و وریاکردنەوەی ژنان و کچان و لە بەرامبەر مافەکانی خۆیان وەژنانیش هەبون لە مێژوودا کەسەرکردایەتی سیاسی و کۆمەڵایەتیان کردوە وکەمتر نەبون لە پیاوان .بۆیە دەتوانین کە بە دلنیاییەوە بلێن بگەینە ئەوەی کە
( ژنی بەھێز واتە کۆمەلگەی بەھێز خێزانی بەھێز مندالی بەھێز ) .
