هەستیاری
بریتییە لە حاڵەتێك كە تیایدا كاردانەوەیەكی زیاد لە ئاسایی لەشی مرۆڤە بۆ هاندەر یان ورووژێنەرێكی بەرگری لەش، كە كاتێك شتێكی نامۆ لە رووی شێوە و پێكهاتە بەر لەش دەكەوێت یان دەچێتە ناوییەوە، لە رووی سیستەمی بەرگرییەوە رووبەڕووی دەبێتەوە و هەستیاری دروست دەبێت.
لەكاتی بەرگری لەش بۆ هەندێك تەنی نامۆ چەند نیشانەیەك لەسەر لەش بەدیار دەكەون كە بەپێی هۆكار و ئەو بەشەی لەش جیاوازی هەیە، لەوانە لە سینگ و پێست و چاو و لووت، وەك هەڵمژینی تۆز و خۆڵ و دەنكە هەڵاڵە كە مرۆڤ تووشی پژمینی بەردەوان كۆكە دەكات، یان لەسەر پێستی بەدیار دەكەوێت وەك خوران و سوورهەڵگەڕان و زیبكە، یان چاو وەك سوورهەڵگەڕان و خورانی.
نیشانەكان:
هەستیاری سنگ، كۆكەی بەردەوام كە لە شەواندا زیاتر دەكات و رەنگە دەردانی شلەشی لەگەڵدا بێت، هەناسەتەنگی بەهۆی تەسكبوونەوەی بۆڕییەكانی هەناسەوە، بوونی هەوكردن لەگەڵ هەستیارییە بەتایبەتی لە جگەرەكێشەكان، هەروەها دروستبوونی دەنگ لە سینگ، بەتایبەتی لای چەند جۆرێك لە پیشەكانی وەك پاكەوان و كرێكاری كانەكان.
خۆپاراستن لە هەستیاری:
خۆبەدوورگرتن لە هۆكارەكانی وەك باخ و دارستانەكان لە بەهاراندا بەهۆی بەرهەمهێنانی دەنكە هەڵاڵە، هەروەها دووركەوتنەوە لە دووكەڵ و بخوور و تۆزوخۆڵ.
دووركەوتنەوە لە ئاژەڵی ماڵی كە خاوەنی پەڕ و موو فەروودارن، بەكارهێنانی سپڕای هەناسەتەنگی و رێگرتن لە هاتنەژوورەوەی خۆڵ و تۆز بۆ ناو ژوورەكان و بەكارهێنانسی چاویلكەی بەر خۆر و سەردانیكردنی پزیشك لە كاتی پێویست.
وەرگێڕانی نواڵە
سەرچاوە: جۆرناڵ نیوز
