بەڕێزان سكرتێر و مەكتەبی سكرتاریەت و ئەندامانی یەكێتی ژنانی كوردستان، بە بۆنەی یادی دامەزراندنی یەكێتییەكەتانەوە گەرمترین پیرۆزبایتان ئاڕاستەدەكەین، هیوای سەركەوتن و پێشكەوتنی زیاترتان بۆ دەخوازین، لەم ساڵیادەدا سڵاو دەنێرین بۆ ئەو ژنە تێكۆشەرانەی لە ڕۆژەسەختەكانی خەباتدا هاوشانی هەڤاڵە پیاوەكان پارێزەری نیشتمان بون، هەروەها لەم ٣٣ساڵەشدا یەكێتییەكەتان ڕۆڵێكی گرنگی گێڕاوە لە بەرەو پێشبردنی دۆزی ژنان و دەوربینین لەسەرجەم بوارەكاندا كە ئەوەش ڕوئیای یەكێتی نیشتمانی كوردستان بووە بۆ ژنانی هەرێمی كوردستان ، یەكێتی ژنان لەو وێستگەیەی كارو خەباتتاندا توانیوتانە دەیان ژنی سەركردەو كادری بەتوانا پێبگەیەنن، لەو دیدەشەوە یەكێتی بڕوایەكی نەگۆڕی هەبووە بەرامبەر بەماف و یەكسانی ژنان، بۆیە هەر لەو دنیا بینییەوە چەندین سەركردەی ژن لە سێكتەرە جیاوازەكانی هەرێمدا ڕۆڵی سەركردایەتی و بەڕێوەبردنیان پێسپردراوە، بۆیە لەم ساڵیادەدا وێڕای پیرۆزبایی و هیواخواستن بۆ سەركەوتنی زیاترتان ئاواتیشمانە لەساڵی ئایندەدا بەشێكی زۆری ئامانجەكانتان بەدی هاتبێت، ئێمە وەك مەكتەبی ڕێكخراوە دیموكراتییەكان پشت و پشتیوانی زیاترتان دەبین.
جارێكی تر پیرۆزبایتان لێدەكەین
هەردەم سەركەوتوو سەرفرازبن
مەكتەبی ڕێكخراوە دیموكراتییەكانی یەكێتی نیشتمانی كوردستان
