ئەمڕۆ دووشەممە ٧ی تشرینی دووهەمی ٢٠٢٢ خاتو كافیە سڵێمان سكرتێری یەكێتی ژنانی كوردستان و ئەندامانی سكرتاریەتەوە پێشوازییان کرد لە هەڤاڵ (فریاڵ عبداللە)ئەندامی سەركردایەتی و لێپرسراوی بۆردی ڕێكخراوەپیشەییەکان و بەشێک لە ژنانی ڕێكخراوەدیموكراتییەكان کەبەمەبەستی پیرۆزبایی 33ساڵەی دامەزرادنی یەکێتی ژنانی کردستان سەردانیان کردبوون.
هەڤاڵ (فریاڵ عبداللە)لێپرسراوی بۆردی ڕێكخراوە پیشەییەكان، ڕایگەیاند من ئەندامی یەكێتی ژنان بوم بۆیە یەكێتی ژنان وێستگەی سەركەوتنی ئێمەی سەركردایەتی، یەكێتی نیشتمانی كوردستان بووە، بۆیە وەك ڕابردوو لەئێستاو لەداهاتووش هەر خۆمان بەئەندامێكی یەكێتی ژنان دەزانین و لەو ڕوانگەیەشەوە ژنانی مەكتەبی ڕێكخراوەدیموكراتییەكان پشتیوان و هاوكاری یەكێتییەكەدەبین.
لە بەشێكی تری قسەكانیدا، هەڤاڵ (فریاڵ عبداللە) تیشكی خستەسەر ڕۆڵ و كاریگەرییەكانی یەكێتی ژنان لەشاخ و پشتیوانی ژنان بۆ شۆڕش بە گرنگ وەسفكرد، وتیشی لەدوای ڕاپەڕینەوە توانیویانە لە بواری خزمەتكردن و ئاشناكردنی كۆمەڵگە بەماف و داكۆكیاری كاری لە پێشینەی یەكێتی ژنان بووە ، ئەوەش بووە هۆی پێگەیاندنی چەندین كادیری ژن بۆ پێگە جیاوازەكانی حكومڕانی لە هەرێم.
لە بەرامبەریشدا، خاتو كافیە سڵێمان خۆشحاڵی خۆی دەربڕی بۆ سەردان و گەیاندنی پیرۆزبایی ژنانی مەكتەبی ڕێكخراوەدیموكراتییەكان، وتیشی شانازی دەكەین كە دەبینین چەندین ژنی یەكێتییەكەمان لە سەركردایەتی حیزبەكەمانن و چەندینی تریشمان لە یەكەئیدارییەكان بەڕێوەدەبەن.
