ئەمڕۆ دووەم ڕۆژی چوارەمین خولی پێشەنگای نێودەوڵەتی سلێمانی بۆ كتێب بەڕێوەچوو، كە تیایدا چاپخانەی تەواری یەكێتی ژنانی كوردستان بەشدارە‌و لەئەمڕۆدا زۆرترین كەس ئامادەبوون.
دووەم ڕۆژی چوارەمین خولی پێشەنگایە لە كاتێكدایە بەهۆی دۆخێكی نەخوازاو گیان لەدەستدانی خێزانێك بەهۆی لێچوونی غازەوە شاری سلێمانی لە ماتەمیندایە وشاری سلێمانی رۆژێكی پر لەئازارو دڵتەنگی بەسەربرد.
جیلان فاروق، ئەندامی یەكێتی ژنانی كوردستان‌و چاودێر لە پێشەنگاكە دەربارەی دووەم ڕۆژی پێشەنگای چۆن بوو دەڵێت: ”ئەمڕۆ بەڕاستی خوێنەری یەكجار باشمان هەیە، سەردانیكردنی خوێنەران زۆر باش بوو، لەبەردەم خوێنەران و ئەدیب و ڕۆشنبیران بەوپێیەی سەردانیكردنی زۆربوو كۆمەڵگاكەمان هۆشیارن و گەشەی زیاتر بە كۆمەڵگا دەدەن”.
ئەریوان سیوەیلی بەڕێوبەری ڕاگەیاندنی چاپ وبڵاوكردنەوەی سلێمانی دەربارەی پێشەنگایە دەڵێت: ” ئەم پێشەنگایە جگە لە رووە فەرهەنگییەكەی ڕەهەندی ئابوری و گەشتیاریی هەیە دەیان ناوەندی چاپ وبڵاوكردنەوەی لە وڵاتانی دراوسێ و ناوچەكە دێنە سلێمانی كە سودێكی گەورە بەشارەكە دەگەیەنن، هەروەها خوێنەران سەرچاوەی جیاواز بەدەست بهێنن”.
تابان علی ، یەكێكە لە خوێنەران و سەردانكردنی پێشەنگاكە دەڵێت: ” ئەمڕۆ رۆژی پشووم بوو، بەدەرفەتم زانی لەگەڵ هاوڕێكانم سەردانی پێشەنگاكە بكەین، كتێبی دڵخوازی خۆم بەدەستبهێنم، چونكە رێژەیەكی زۆر كتێبخانەكان بەشداریان كردوە، بۆیە دەرفەتێكی باشە بۆ دەستكەوتنی كتێب، داشكاندنانەش بۆ ئێمەباشە دەتوانی كتیب زیاتر بكڕین، بەهۆی كتێب خوێندنەوەی دوور دەكەویتەوە لە جەنجاڵی ژیان”.
ئا:تریفە
