شاندێکی هاوبەشی نوێنەرانی ژنی ڕێکخراوی وڵاتە جیاوازەکان کە پێکهاتوون لە، کلا کوپەر لە وڵاتی پۆلیڤیا، کارۆلین کیم لە وڵاتی کۆریا، رەها زەمانی لە وڵاتی ئێران، کۆخۆب مهریتاب لە وڵاتی ئێریتریا، زەینەب بایەزیدی لە ڕۆژهەڵاتی کوردستان. سەردانی ژنانی لایەنە سیاسەییەکانی باشووری کوردستانیان کرد،
لە میانەی ئەو سەردانەیاندا ئەمڕۆ سەردانی سکرتارییەتی یەکیتی ژنانی کوردستانیان کردو چاویان بە بەڕێز خاتو کافیە سلێمان سکرتێری یەکیتی ژنانی کوردستان کەوت بە ئامادە بونی هەر یەک لە خاتو شەوبۆ عەسکەری و خاتو کنێر عەبدوڵا و خاتو سەیوان ڕۆستەم .مەبەستی
هاتنی
ئەم شاندە بۆ ئەوە یە لە نزیکەوە ئاگاداری ڕەوشی ژنانی باشور بن و خەباتو تێکۆشانیان لە پێناو بە دەست هێنانی مافو ئازادیەکانیان لە سایەی ئەم ئازادیەی ئەمڕۆ لە هەرێمی کوردستاندا هەیە. و تا چەندێک
ژنی کورد هاو بەش و هاو خەمی ئەو شۆڕشانەی ژنانن لە بەشەکانی کوردستان کە ئەمڕۆ بوەتە سەر مەشقی
شۆڕشی ژنان لە جیهاندا .
بەڕێز خاتو کافیەسلێمان دوای بەخێرهاتنیان
بەکورتی باسی لە هەلو مەرج و زەرورەتی دامەزراندنی یەکیتی ژنانی کوردستان کرد کە بە دروشمی ژن خەبات ژیان دەستی بە خەبات کرد
و خۆشبەختانە ئەمڕۆ لەگەڵ دروشمی ژن ژیان ئازادیدا یەک دەگرێتەوە
جگە لەوەی یەکیتی ژنانی کوردستان بە درێژای مێژووی ڕێکخراوەکە پشتیوانی خەباتی ژنانە لە جیهان بەگشتی و کوردستان بە تایبەتی .
بڕوای وایە کە هێزی ژنان لە یەکبونیاندایە .
ئەندامانی شاندەکە هەریەک لەلای خۆیەوە
پرسیاری خۆی کرد و دواجار لە پرێس کۆنفرانسێکی هاوبەشدا مەبەستی سەردانەکە ڕون کرایەوە .
شایانی باسە ئەم چاوپێکەوتنەلە لایەن ڕێپاک
(ڕێکخراوی پەیوەندیەکانی ئافرەتانی کوردستان ) ڕێکخرابو
