یەكێتی ژنانی كوردستان لەڕێگەی ئەنجامدانی دوو خولی بەهێزكردنەوە، گەشە بەتوانای كارمەندانی بەشەكانی (راگەیاندن ‌و كۆمەڵایەتی‌و یاسایی) لقەكانی خۆی دەدات.

ئەو دوو خولە كە هاوكات بوو، ماوەی دوو رۆژی خایاند ‌و لەهۆڵی تەوار‌و كتێبخانەی تەوار بەڕێوەچوو، تیایدا چەندین بابەت ‌و تەوەری لەبوارەكانی (راگەیاند ‌و كۆمەڵایەتی‌و یاسایی) لەلایەن كەسانی پسپۆڕ‌و شارەزای ئەو بوارانەوە پێشكەشكرا.

خاتوو سەیوان رۆستەم ئەندامی سكرتارییەتی یەكێتی ژنانی كوردستان ‌و سەرپەرشتیاری خولی راگەیاندن بەتۆڕی میدیایی تەواری راگەیاند: “مەبەست لەكردنەوەی ئەم خولانە، جێبەجێ‌ كردنی بەرنامەی یەكێتی ژنانی كوردستانە بۆ بەهێزكردنی توانای كاركردن و شارەزا بونی ئەو ئەندامانەی لە بەشە جیاجیاكانی لقەكانی یەكێتی ژنانی كوردستان كاردەكەن بە تایبەتی گەنجەكان”.

ئاشكراشیكرد: “ئەم بەرنامەیە بە چەند جارێك جێبەجێدەكرێ و هەرجارەی چەند بەشێكی ئەو لقانە بەشدار دەبێت، خولی یەكەمجار بۆ هەردوو بەشی كۆمەڵایەتی و ڕاگەیاندن بوو، بڕیارە هەفتەی داهاتوش خولی تایبەت بۆ بەشەكانی تر بكرێتەوە”.

خولی کۆمەڵایەتی بە سەرپەرشتی خاتو عایشەحەکیم ئەندامی سکرتارییەت و لێپرسراوی بەشی کۆمەڵایەتی وخاتو لەیلا عەبدوڵا سەرپەرشتیاری لانەی ئارام بەڕێوە چو بابەتەکانی تایبەت بەکۆمەڵایەتی وچۆنیەتی مامەڵەکردن لەگەڵ کەیسەکانی یاسایی.و کۆمەڵایەتی.لەلایەن یاساناس و توێژەری کۆمەڵایەتی بە ئەزموونەوە بابەتەکان ئامادە کرابوون و بەسەرکەوتووی بەڕێوەچو .

خاتوو لەیلا عەبدوڵا ئەندامی سكرتارییەتی یەكێتی ژنانی كوردستان ‌، دەربارەی ئامانجی خولەكە بەتۆڕی میدیایی تەواری راگەیاند: “گەشەپێدان و ئاگاداری گۆڕانكاری‌و پێشكەوتنی دونیایە ‌و بەهێزكردنی ئەو كارمەندانەیە كە خۆیان ئەزمونیان هەیە‌و فێركردنی ئەو كارمەندانەشە كە لەسەرەتادان”.

سەبارەت بەتەوەر‌و بابەتەكانی خولی كۆمەڵایەتی‌و یاسایی، خاتوو لەیلا وتی: “دوو تەوەرەی سەرەكی بوو، یەكێكیان بەشی كۆمەڵایەتی ئەو كەیسانەی كە وەریدەگرێت، تەوەرەكەی تریش لەسەر یاساكان بوو، چونكە بەشی كۆمەڵایەتی و یاسایی پێكەوە تەواوكەری یەكترین”.

تریفە حەسەن
هەنی زیرەك