ڕاستی ڕزگار منصوركچە خوێندكاری زانكۆی صلاحەدین لە بەشداریكردنی لە پێشبڕكێیەكی نێودەوڵەتی زمانی چینی بەناونیشانی(پردی چینی) لەسەر ئاستی عێراق و كوردستان پلەی یەكەمی بەدەست هێنا
لە دیدارێكی تایبەتدا بۆ سایتی تەوار راستی رزگار دەربارەی چۆنێتی فێربوونی زمانی چینی وتی” هەر لە مناڵیەوە خولیای فێربوونی زمانی چینیم هەبوو ، لە تەمەنی ١٠ ساڵیەوە من ئاشنا بووم بە چین و لەگەڵ گەورەبووندا لە ڕێگەی فیلم و گۆرانی و هەواڵ و داهێنانەكانی چینەوە زیاتر چینم ناسی و دەستمكرد بە فێربوونی زمانەكە و ئارەزووی فێربوونم بۆ زمانەكە زیاتر بوو، هەروەها دایك و باوكیشم زۆر هاندەرم بوون بۆ گەشتن بە خەونەكەم”.
راستی لە بارەی زمانی چینییەوە بەیەكێك لە قورسترین و گرانترین زمان باسی دەكات و دەڵێت” زمانی چینی یەكێكە لە زمانە گرانەكانی جیهان تا ڕادەیەك فێربوونی ئاسان نیە. بەڵام بە تەرخان كردنی كات بۆی فێربوون و بەردەوام بوون لەسەر ئامانجەكەم فێربوونی زمانەكەی لەلام ئاسان كرد. هەروەها لەگەڵ فێربوونی چیندا لە هەوڵی فێربوونی ئینگلیزیدام و تا ڕادەیەك ئینگلیزییەكەم زۆر باشە، تا چەند پێم بكرێ لە داهاتووشدا هەوڵەدەم زمانی زیاتر فێربم”.
ئەم كچە عاشقەی فێربوونی زمانە جیهانیەكان باسی لە هەنگاوەكانی داهاتووی خۆی كردوو ووتی” لە داهاتوودا هیوادارم بتوانم ببمە پردێك لە نێوان كوردستان و وڵاتی چین بتوانم خزمەتێك بە گەلەمەم بگەیەنم، هەروەها پلانم بۆ داهاتوو بەردەوام بوون و بەرەو پێشبردنی زمانە و ئەمەوێ لە ڕێگەی فێربوونی زمانەكەوە گەلی چین و كورد زیاتر ئاشنای یەكتر بكەم بۆ دروست كردنی پەیوەندیەكی دۆستانە لە نێوان هەردوولادا”.
ڕاستی ڕزگار منصور خوێندكاری بەشی زمانی چینی (زانكۆی سەڵاحەدین)ە و دانیشتووی قەزای كەلاری ناوەندی ئیدارەی گەرمیانە ، لە چەند رۆژی رابردوودا لە پێشبڕكێیەكی زمانەوانی چینیدا توانی پلەی یەكەم لەسەر ئاستی هەرێمی كوردستان و عیراق بەدەستبهێنێت.
هاوژین شكور /كەلار
