ئەمڕۆ شەمە 2023/6/24لە تەلاری تەواری یەکێتی ژنانی کوردستان لە مەراسیمێکی تایبەتدا بە ئامادەبوونی ژمارەیەک لە ژنانی چالاکوان و کەسایەتی لە سەرجەم پارێزگاکانی هەرێمی کوردستان و باکور و رۆژهەڵات و رۆژئاوای کوردستان و وڵاتانی ئەوروپا و جیهان ( ناوەندی ئەرشف و توێژینەوە و پەرتوکخانەی ژنی کورد) لە سلێمانی کرایەوە
سەرەتای مەراسیمەکە بە دەقەیەک وەستان بۆ گیانی پاکی شەهیدان دەستی پێکرد و وتاری تایبەت بە ناوەندەکە لەلایەن گوڵان عەلی پێشکەشکرا هەروەها لە رێگەی کورتە ڤیدیۆییەک مێژووی دامەزراندنی ناوەندەکە ئاشناکرا بە ئامادەبووان
دواتر چەندین چالاکی پێشکەکرا و پەیامی پیرۆزبای ژنانی جیهان بۆ ئامادەبووان خوێندرایەوە
پاشان لەلاین دکتۆرە باربارا پادە وتارێک لەبارەی گرنگی ناوەندەکە پێشکەشکرا و بەڵێنی هاوکاری ژنانی ئەڵمانیا درا بە ناووندەکە
لە کۆتایدا هونەرمەند ژینا سەقزی بە دەنگە خۆشەکەی چەند گۆرانیەکی فۆلکلۆری کوردی پێشکەشی ئامادەبووان کرد.















