ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

ساریا لە هەڵەبجەوە دەبێتە پاڵەوانی عێراق و جیهان

ساریا كچە یاریزانی هەڵەبجە دەبێتە خاوەنی نازناوی بەهێزترین خانمی عێراق و جیهان و بەهەوڵە تاكە كەسیەكانی خۆی توانیویەتی پلەیەكەم لەسەرجەم ئەو پاڵەوانێتییانە بەدەستبهێنێت كە یاری تێدا كردووە.
كچە یاریزانی (پاوەرلیفتینگ ) ساریا بەكر احمد دانیشوی شاری هەڵەبجەیە و پاڵەوانی (هێزی لەش و اسقال و كرۆسفیت و سترونك)ە لە اسقال دووەمی عێراقە لە وەزنی خۆی و لە كرۆسفیت یەكەم و لە سترونك بەهێز ترین خانمی عێراقە. بەهۆی حەز و خولیای بۆ بواری وەرزش چەندین قوربانیداوە و گەیشتووە بەو قۆناغەی ئێستای.
لە لێداوانێكی تایبەتدا بۆ تۆری میدیای تەوار ساریا ووتی” ماوەی 10 ساڵە لە هونەری وەرزشكردن هەوڵ ئەدەم و لەو ماوەیەدا توانیومە زیاتر لە 38 میدالیای زێر بە پلەی یەكەم بەدەستبهێنم و 3 میدالیای زێری جیهانی لە ساڵی 2023 دا و هەروەها میدالیای زێری نێودەوڵەتی لە ساڵی 2022، 3 میدالیای زێری ئاسیایی لە وڵاتی ئێران بۆ ساڵی2019.
هەروەها لە بواری ئەو یاریانەی كاری تێدا كردووە ساریا ووتی” لە ئێستادا خاوەن نازناوی بەهێزترین یاریزانی عێراقم چونكە خاوەنی ریكۆردی عێراقم لە (پاوەرلیفتینگ) بۆ هەرسێ یاری (پرێس، سكوات، دێدلیفت)”.
ساریا سەرباری ئەوەی خاوەنی ئەم نازناوانەیە گڵەیی هەیە بەوی هیچ هاوكارییەك نەكراوە و تەنها پشتی بەتوانا مادی و مەعنەوییەكانی خۆی بەستووە و ئەمەش بۆتە هۆی نیگەرانی ئەو وەك خۆیشی دەڵێت” بەداخەوە تائێستا هیچ هاوكاریەك نەكراوم و زۆریش پێویستم بەهاوكاریە. چونكە قەرزێكی زۆرمكردووە بۆ ئەوەی بتوانم بەشداری پاڵەوانێتیە جیهانیەكان بكەم”.
ساریا ئەوەشی ئاشكرا كرد كە لە ئێستادا هەڵبژێردراوە بۆ پاڵەوانێتی وڵاتانی عەرەبی لە وڵاتی مەغریب كە پاڵاوتنەكە كە 6-9 ئەنجامدراوە و هەروەها پاڵێوراوە بۆ پاڵەوانێتیەك لە وڵاتی ئیتالیا و بانگهێشتنانمەی فەرمی پێگەیشتووە بۆ بەشداریكردن لە پاڵەوانێتیەك لە وڵاتی پۆڵندا.
ساریای پاڵەوانی (پاوەرلیفتینگ) خوازیارە كە” دەستگرۆی بكرێت تا وەك یاریزانێكی هەڵەبجەیی و وەك بەهێزترن كچە یاریزانی عێراق و كوردستان بتوانێت بەشداری ئەو پاڵەوانێتیانە بكات”.

میهری سەلام / هەڵەبجە

هاوشێوە

ڤیدیۆ