بەهۆی دڵسۆزییانەوە لە كارەكانیاندا لە مەراسیمیكدا لە شارۆچكەی خورماڵ شانبەشانی پیاوانی بەرگری شارستانی خەڵات بەسەر پەرستارانی خورماڵدا دابەشكرا.
ماڵپەری هەورامان نیوز و بەشی ڕۆشنبیری و هونەری خورماڵ لە پای هەوڵ و ماندووبوون و پێزانینیان بۆ هاوشاریەكانیان هەستان بە ڕێكخستنی مەراسیمێك بۆ ڕێز لێنان لە پەرستارانی بەشی فریاكەوتنی بنكەی تەندروستی عەلی شیعە و كارمەندانی بەرگری شارستانی.
لەو بارەیەوە شەهێن عوسمان لە بەشی فریاكەوتنی نەخۆشخانی عەلی شیعە بۆ تۆری میدیای تەوار دەڵێت” ئەم جۆرە ریزلێنانە بە گرنگە چونكە دەبێتە هاندانێك بۆ فەرمانبەران و وە هەوڵ و ماندووبونی ژنانی پەرستار بەرز دەنرخێنێت. چونكە ئەتوانن شانبەشانی پیاوان كاربكەن ، ئێستا ژنانیش وەك پیاوان لە ناو ئوتومبێلی فریاگوزاری كار ئەكەن جاران ترسێك هەبوو بەڵام ئێستا ژنان وەك پیاوان لە ئەركدان”.
هەروەها كەنار ئەبوبەكر پەرستارە و ماوەی پینج ساڵە لە ئەركدایە و ئەو كارانە دەكات كە تایبەتن بە بواری تەندروستی و خۆی بە خۆشحاڵ دەزانی كە ئەمرۆ ڕێزی لێنراوە و داواكارە كە زیاتر گرنگی بە كەرتی تەندروستی بدرێت لە شارەكەیاندا.
ناحیەی خورماڵ سەر بە پاریزگای هەڵەبجەیە و لە ئێستادا چەندین خزمەتگوزاری هونەری و ئەدەبی و كۆمەڵایەتی لەو شارە بەڕیوەدەچێت.
میهرەبان/ هەڵەبجە
