ژنان ڕۆڵێكی بەرچاویان هەیە لە پڕۆژەی پەرەپێدانی گەشتیاری كشتوكاڵی لە هەرێمی كوردستاندا و لە هەر جێگەیەك بن جێگە دەستیان دیارە و لە ئیستادا خەریكی كشتوكاڵكردن و گرنگیدانن بە بەرووبوومی خۆماڵی.
لە ئێستادا لەسەر ڕاسپاردەی بەرێز جێگری سەرۆكی حكومەتی هەرێمی كوردستان و بەمەبەستی گرنگیدانی زیاتر بە بوژانەوە و تێكەڵكردنی هەردوو سێكتەری گەشتیاری و كشتوكاڵی بە ناونیشانی پڕۆژەی (گەشتووكاڵ)و ئاوێتەكردنی سێكتەری گەشتیاری و كشتوكاڵی خولێك بۆماوەی پێنج ڕۆژ بەرێوەدەچێت، بۆ دەرچووانی بەشەكانی كشتوكاڵی و خاوەن بیرۆكە و پڕۆژە كشتوكاڵییە بچوك و مام ناوەندەكان ژنانیش لە بواری هەنگەوان و خاوەن باخ و رەز و دێم و خاوەن بیرۆكە بەشدارن.
جێگەی ئاماژەیە لەمیانی بەڕێوەچوونی ئەم ڕاهێنانە جگە وەرگرتنی بابەتەكان بەشێوەیەكی تیۆری، سەردانی مەیدانی و گەشتی زانستی بۆ چەندین پڕۆژەی گرنگ و سەركەوتوو ڕێكخراوە بەمەبەستی ئاشناكردن و سوود گەیاندنی زیاتری بەشداربووان. ئەم پڕۆژەیە لەلایەن وەزارەتی ئابوری ئەڵمانیایی فیدراڵ بۆ هاوكاری دارایی و پەرەپێدان (BMC) و كۆمسیاری یەكێتی ئەوروپا (EU) بەهاوكاری رێكخراوەكانی (GIZ) ئەڵمانی و (ZOA) جێبەجێ دەكرێت.
میهری : هەڵەبجە