ئێوارەی ڕۆژی شەممە کەشتی دراگۆنی کۆمپانیای سپەیس ئێکسی ملیاردێری بەنێوبانگی ئەمریکی ئیلیۆن مەسک بە گەشتێکی ھاوبەش لەگەڵ ناسادا و بەمەبەستی لێکۆڵینەوەیەکی تایبەت چوە بۆشایی ئاسمان و سەرپەرشتیاری گەشتەکەش کچە کوردێکی ڕۆژھەڵاتی بوو .
بەپێی زانیاریەکانی ئاژانسی نیشتیمانی ناسراو بەناسا کەشتیەکە چوار کەشتیوان و لێکۆڵەری ھەڵگرتوە کە سەرپەرشتیارەکە یاسمین موقبلیە .
یاسمین زیاتر لە بیست و یەک ساڵە فڕۆکەوانی ھێزی بەرگری ئاسمانی ئەمریکیە و شەش ساڵیشە کارمەندی سەرەکی کۆمپانیای سپەیس ئێکسە وە خاوەنی دوو بڕوانامەی ماستەر لەسەر بۆشایی ئاسمانە و هەروەها لەسەر ڕاسپاردەی ناسا بۆ ئەم گەشتە ھەڵبژێردراوە بە سەرپەرشتیار .
یاسمین موقبلی لە دایک بووی ساڵی ١٩٨٣ ەو ، خەڵکی شاری مەھابادی ڕۆژھەڵاتی کوردستانە و لە منداڵیەوە لە ئەڵمانیا و دواتر ئەمریکا دەژی و ژیانی ھاوسەری پێکھێناوە و جاوەنی دوو کچە .
