لە نوێترین بەشداریكردنیدا لە فێستیڤاڵە جیهانیەكاندا كورتە فیلمی سێگۆشە لە رێگەی كۆمپانیای رێتاووە بەشداری فێستیڤاڵی كاتالینا دەكات لە وڵاتی ئەمریكا.
كورتە فیلمی سێگۆشە كە بەرهەمی یەكێتی ژنانی كوردستانە و لە سیناریۆ و دەرهێنانی كچە سینەماكار (ژینۆ هادی)ە لە ئێستادا هەڵبژێردراوە بۆ بەشداری كردنی لە خولی 13 هەمینی فێستیڤاڵی كاتالینا لە وڵاتی ئەمریكا. لەماوەی چەند مانگی رابردوودا ئەم فیلمە لە سێ‌ فێستیڤاڵی جیهانیدا بەشداری كردووە و باس لەو تووندووتیژیانە دەكاتە كە رۆژانە رووبەرووی ژنان دەبنەوە.