ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

هایدە داواكاری لە بەرپرسان و سەرمایەدارانی گەرمیان هەیە

هاوژین شكور /كەلار
هایدە حسام الدین بەڕێوبەری سەنتەری هایدە بۆ ڕاهێنانی پیشەیی لە رێگەی سایتی تەوارەوە داواكاری خەڵكی ژنان و گەنجانی كەلار ئاراستەی حكومەت و سەرمایەداران دەكات و ” داوا دەكات كە كارگەیەكی جل و بەرگ لە كەلار بكرێتەوە پێیوایە بوونی كارگەیەكی لەو شێوەیە دەتوانێ ڕێژەی بێكاری كەم بكاتەوە و دەرفەتی كاركردنیش بێت بۆ ئەوانەی خوێندنیان تەواو كردووە هەلی كار بۆ هەردوو ڕەگەز دەرەخسێنێت”
خاتوو هایدە باس لەوە دەكات كە ساڵانێكە دەستی بەكاری راهێنانی پیشەیی كردووە و خەڵكێكی زۆر داخوازییان هەیە كە بتوانێت كارگەیەكی جل و بەرگ دانێت و ڕۆژانە پەیوەندی پێوە دەكرێت بۆ ئەو مەبەستە وەك خۆی دەڵێت” نە لە ئێستا و نە لە داهاتووشدا ئەم كارە ناكەم ئەوەش بۆ چەند هۆكارێك دەگەڕێتەوە كە پێویست نیە ئاشكرای كەم”.
هایدە لە رێگەی سایتی تەوارەوە خەون و داواری خەڵك رووبەرووی سەرمایەداران و بەرپرسانی شارەكەی دەكاتەوە و دەڵێت” من لێرەوە بە سەرمایەدارانی ئەم شارە ڕادەگەیەنم كار بكەن لەسەر دانانی كارگەیەكی جلو بەرگ چونكە كەلار زۆر پێویستی بەم كارگەیە هەیە و چەندین خەیاتی بەئەزموون و باشمان هەیە كە بتوانین پشتیان پێ ببەستن”.
هەروەها وتیشی” داوا لە كار بەدەستانی ئەم شارە دەكەم كار ئاسانی بكەن بۆ سەرمایەداران جێگەی باش و گونجاویان بۆ دابین بكەن تا ئەوانیش بتوانن كارگە دابنێن و خزمەت بەم شارە بكەن، یاخودحكومەت لە رێگەی كەرتی گشتییەوە بەو كارەهەستێت. بوونی كارگەیەكی لەو شێوەیە دەتوانێ ڕێژەی بێكاری كەم بكاتەوە و دەرفەتی كاركردنیش بێت بۆ ئەوانەی خوێندنیان تەواو كردووە هەلی كار بۆ هەردوو ڕەگەز دەرەخسێنێت”

هاوشێوە

ڤیدیۆ