هاوژین شكور: گەرمیان
سەنتەری چالاكیی گەنجانی كەلار لە ژێر ناونیشانی بەرامەی گوڵەكانی گەرمیان پیشانگەیەكی شێوەكاری بۆ بیست كچە شێوەكاری گەرمیان كردەوە.
ئەم پیشانگەیە لە چوارچێوەی ئەو زنجیرە چالاكیانەدایە كە لە پێشوازیی ١٦/ ٩ یادی( ٣٢ ) ساڵەی دامەزراندنی منداڵپارێزی كوردستان) و (٢١ ) ساڵەی دامەزراندنی سەنتەری چالاكیی گەنجانی كەلاردایە بەئامانجی دەرخستنی بەهرە و تواناكانی گەنجان لە بواری هونەردا. لەم پیشانگەیەدا(35) تابلۆی كچانی گەنجی شێوەكار نمایشكراوە و ماوەی سێ ڕۆژ بەردەوام دەبێت.
لەوبارەیەوە سەردار نۆڕێ مامۆستای بەشی شێوەكاریی لە سەنتەری چالاكیی گەنجانی كەلار، تایبەت بە سایتی تەوار ووتی” لەم پیشانگەیەدا ٣٥ تابلۆی قەبارە جیاواز نمایشكراوە كە بە بۆیەی ڕۆنی و پاستیل و قەڵەم ‌داری ڕەنگا و ڕەنگ هێڵكاریی كراوە. تابلۆكان بەرهەمی خولی هاوینەی ٢٠ كچە فێرخوازی بەشی شێوەكاری سەنتەری چالاكیی گەنجانی كەلارە و بەستایلی جیاواز كاریان كردووە”.
كچانی بەشداربووی ئەم پیشانگەیە پێكهاتووە لە شێوەكاران(حەنان حەسەن عبدالكریم، جیلان مەجید مەدحەت، ڕێواز یونس خزر، دیان برزو مەجید، جیلان عبدالستار ئیبراهیم، ئەفراح حەسیب محەمەد، دانیا یوسف ڕەشید، فاتمە كازم جەبار، ئەسرا عەدنان نەریمان، سۆما ساڵح كەریم، نوها حسێن عەلی، شیلان بەرزان محەمەد، لەیلا مەحموود عەلی، زەینەب حەمەد عیسا، شنیار عوسمان كەریم، سیما محمد عبدالكریم، سارە قاسم شكور، مەلەك حازم ڕەحیم، زریان فایق فارس، نیگار ڕۆستەم محەمەد).