میهرەبان: هەڵەبجە
ئارێز فەرهەنگ دانیشتووی پارێزگای هەڵەبجەیە و لە ئیستادا مامۆستای ئینگلیزیە لە ڕێكخراوی كەم ئەندامان. بەڵام جگە لە كاری مامۆستایی ماوەی دووساڵە خەریكی كاری هونەری دەستڕەنگینی و چنینە.
ئارێز باس لەوە دەكات” كە سەرەتا وەك خولیایەك دەستی بەم كارە كردووە. بەڵام ئێستا وەك پیشەیەك سەیری دەكات و ئەو بەرهەمانەش دروستیدەكات توانیویەتی لەگەڵ وەرزەكان بیگونجێنێت”.
سەبارەت بەو بابەتانەی دروستیدەكات ووتی” جل و بەرگ و جانتا و یاری منداڵان خواستێكی زۆریان لەسەرە و سەرجەمیان لە ڕێگەی ئۆنلایەنەوە پێشانی بینیەرەكانی دەدەم و زۆرینەی كارەكانم لە رێگەی ئۆن لاینەوە رادەپەرێنم و هەوڵدەدەم لە داهاتوودا بیكەمە براندی تایبەت بەخۆم”.
ئارێز فەرهەنگی دەسترەنگین نایشارێتەوە كە هێشتا ماوەی دوو ساڵە كاردەكات و لە ئێستادا كاركردنی بە شێوەیەكی ناوخۆیە و تاوەكوو ئێستا نەیتوانیوە بیكات بە براند، بەڵام پلانی داناوە و كاری لەسەركردووە بۆ ئەوەی بتوانێت مۆركێكی تایبەت و جیاوازی هەبێت و شێوازی كاركردنی جیابێت.
هەروەها ووتیشی” لە هەڵەبجە چەندین خانم هەن كە كار ئەكەن و ئەبێت بەرهەمەكانیان لە كەسیتر نەچێت و بۆیە هەریەك بەرهەمی ماڵان یان دیكۆراتی ناوماڵ و هەوڵەكانمان تاكە كەسین سەرجەممان لە ماڵەكان و ژورەكانی خۆمانەوە دەستمان پێكردووە”.
سەبارەت بە ناساندنی بەرهەمەكانی ئارێز فەرهەنگ سۆشیال میدیا بە هۆكارێكی باش دەزانێ كە بەرهەمەكانی بناسینێت بە بینەر و داواكاریەكان لە وێوە وەردەگرێت و هەرلەوێشەوە فیدباكی داواكارەكان وەردەگرێت.
ئارێز دایكی بە هۆكاری سەركەوتنەكانی دەزانێت وەك خۆی دەڵێت” دایكم هۆكاربوو بۆ ئەوەی تەقەڵەكانم ڕێك و جوانبن سەرەتای دەستكردنم بەكاری درورین و چنین لە منداڵی سەیری دەستی دایكمم دەكردوو پاشان لە رێگەی سۆشیال میدیا و تۆرەكۆمەڵایەتیەكانەوە گرنگی زیاترم بەكارەكەمدا و بەڵكوو داهێنانیشم تیاكرد تاوەكوو كارەكانم وردتر و جوانترببێت”.
ئارێزی دەست و پەنجە رەنگین هەوڵیداوە لە رێگەی هاوڕێكانییەوە بەرهەمەكانی سنوری هەریمی كوردستان ببڕێت و بەردەوام لە گەشەكردندایە.
