ئاماده‌کردنى: ناصح علی خه‌یات
گوڵه هیرۆ یه‌کێکه له‌و ڕووه‌کانه‌ی که خۆرسکانه له‌شت که‌شه‌کانى کوردستاندا ده‌رویه‌ت، گه‌ڵا و گوڵ و ره‌گه‌که‌ی ده‌توانرێت وه‌ک چاره‌سه‌ر له بوارى ته‌ندروستیدا به‌کاربێت، ئه‌و ڕووه‌که له کوردستاندا له ناوچه جیاوازه‌کاندا زۆر جار به شێوه‌ی خۆڕسک هه‌یه‌و ده‌بینرێت، هه‌روه‌ک چه‌ندین جۆری هه‌یه و ره‌نگه‌کانیشی جیاوازن و به‌مه‌به‌ستی جوانیش له باخچه‌کاندا ده‌ڕوێنرێت، له ئێستا گوڵی گوڵه هێرۆ ده‌رچووه و دیمه‌نێکی جوانیان به‌سروشت به‌خشیووه، گوڵه هێرۆ ڕه‌نگی سپی و مۆر و شه‌رابی و په‌مه‌یی و چه‌ند ڕه‌نگێکیتری هه‌یه.
سه‌رباری به‌خشینی دیمه‌نی جوانی خۆی به‌سروشت، ده‌توانرێت چه‌ندین سودی ته‌ندروستی لێوه‌ربگرێت، پشتیوان نوری شاره‌زای بواری ده‌رمانی گیایی سروشتی ده‌رباره‌ى سوده ته‌ندروستیه‌کانى گوڵه هێرۆ بۆ تۆڕى میدیاى ته‌وار باس کردوو ووتى “
- کوڵاندنی گوڵه هیرۆ و خواردنه‌وه‌ی ئاوه‌که‌ی چاره‌سه‌ری قه‌بزی، هه‌ڵامه‌ت، کۆکه، چه‌وری جگه‌ر و نه‌خۆشیه‌کانی کۆئه‌ندامی هه‌ناسه ده‌کات. هه‌روه‌ها ئاوی گوڵه هێرۆ بۆ کۆئه‌ندامی هه‌رس به‌سووده بۆ چاره‌سه‌ری برینی گه‌ده.
*چاره‌سه‌ری نه‌خۆشی شێرپه‌نجه جیاوازه‌کان ده‌کات و بۆ دابه‌زاندنی کێشی مرۆڤ به‌سوده. - چاره‌سه‌ری قوڕگ ئێشه‌و هه‌وکردنی له‌وزه‌تێنه‌کان ده‌کات.
- هه‌روه‌ها کوڵاندنی ره‌گه‌که‌ی و خواردنه‌وه‌ی چاره‌سه‌رى شه‌کری خوێن و هاوسه‌نگى ده‌کات، کرداری میزکردن ئاسان ده‌کات، چاره‌سه‌ری سکچوون ده‌کات، تا داده‌به‌زێنێت، ئاوسانی به‌شه جیاوازه‌کانی جه‌سته لاده‌بات، گرفته‌کانی پێست چاره‌سه‌رده‌کات و نه‌رمی ده‌کاته‌وه.
- گه‌ڵای گوڵه‌هێرۆ به‌سووده ئه‌گه‌ر بخرێته سه‌ر شکاوی ئه‌وا ئێسک زووتر یه‌کده‌گرێته‌وه و ئازاری که‌مده‌کاته‌وه، چاره‌سه‌رێکی باشیشه بۆ جۆره جیاوازه‌کانی دوومه‌ڵ، گه‌ڵای گوڵه هێرۆ بخرێته سه‌ر شوێنی سووتاوی سارێژی ده‌کات و ناهێڵێت بڵقی سوتاوی زیادبکات.
٭هه‌روه‌ها ڕووه‌کی هێرۆ به‌سوده بۆ ڕاماڵینى ڕمڵ و به‌ردی گورچیله و که‌مکردنه‌وه‌ی ئازاری هه‌وکردنی گورچیله و میزهێنه‌رێکی باشه.
ئه‌و شاره‌زای گیا ده‌رمانییه رێنمایى ئه‌وه‌شى کرد “که پێویسته له‌کاتی به‌کارهێنانی ڕاوێژ به شاره‌زایه‌کی گیاده‌رمانی بکرێت تاوه‌کو که‌سی به‌کارهێنه‌ر سودی خۆی لێده‌ستبکه‌وێت، ئه‌و شاره‌زاییه ڕێنمایی ئه‌وه‌ش به‌نه‌خۆشه‌کان ده‌کات بۆ به‌کارهێنانی هه‌رده‌رمانێک پێویسته به‌بێ ڕاوێژکردن به‌که‌سانی پسپۆڕ له خۆیانه‌وه به‌کاری نه‌هێنن”.
ڕووه‌کی هێرۆ چه‌ندین جۆر سابوون و شامپۆ و کرێمی لێبه‌رهه‌مده‌هێنرێت بۆ مه‌به‌ستی جوانکاری و شێدارکردنی پێستی ده‌مووچاو، سه‌رباری ئه‌وانه‌ش گوڵه‌هێرۆ ئه‌گه‌ر که‌مێک بکوڵێندرێت و دواتر بپاڵێورێت و به‌وگیراوه‌یه‌ی که‌ده‌ستده‌که‌وێت، سه‌ری پێبشۆردرێت، ئه‌وا چاره‌سه‌رێکی باشه بۆ خاوکردنه‌وه‌ی قژ و ڕێگرتن له ڕووتانه‌وه‌ی قژ.
وێڕای هه‌موو ئه‌و سوودانه‌ی ڕووه‌کی هێرۆ که‌باسکرا، پسپۆرانی بواری ته‌ندروستی سروشتی جه‌خت له‌وه ده‌که‌نه‌وه باشتروایه خانمانی دووگیان به‌هیچ جۆرێک ئاوی کوڵاوی گوڵ و ره‌گی گوڵه هێرۆ نه‌خۆنه‌وه و هه‌روه‌ها نابێت له‌گه‌ڵ حه‌بی پاراسیتامۆڵیشدا پێکه‌وه بخورێت چونکه زیانی گه‌وره‌یان لێده‌که‌وێت به‌تایبه‌ت له کۆرپه‌له‌که‌یان.
