لە ساڵیادی دامەزراندنی یەكێتی ژنانی كوردستاندا بەرێز قوباد تاڵەبانی ئەندامی مەكتەبی سیاسی یەكێتی نیشتیمانی كوردستان و سەرپەرشتیاری مەكتەبی سكرتارییەتی (سەرۆك مام جەلال) لە نامەیەكی كراوەدا وێرای دەربڕینی گەشبینی خۆی بەخەباتی یەكێتی ژنان بە بۆنەی ساڵیادی دامەزراندنی رێكخراوەكەوە پیرۆزبا و پێشنیاری هەنگاوی نوێی خەباتكردنی بۆ یەكێتـی ژنانی كوردستان هەیە.
بەڕێز خاتوو كافیە سڵێمان، سكرتێری یەكێتی ژنانی كوردستان
بەڕێزان ئەندامانی سكرتارییەت و هەموو ئەندامانی یەكێتی ژنانی كوردستان.
لە یادی ٣٤ ساڵەی دامەزراندنی یەكێتی ژنانی كوردستاندا، گەرمترین پیرۆزبایی ئاراستەی ئێوە و ئەندامانی یەكێتی ژنان و سەرجەم ژنانی كوردستان دەكەم، خەبات و تێكۆشانتان لە ٣٤ ساڵی رابردوودا لە پێناو داكۆكیكردن لە مافەكانی ژنان بەرز دەنرخێنم.
سەرباری هەوڵ و ماندووبوونی بێوچانی ئێوە و رێكخراوەكان و چالاكوانەكانیتر، شتێكی شاراوە نییە كە هێشتا دۆخی ژنان لە كۆمەڵگەی ئێمەدا لە ئاستێكی پێویستدا نییە، هەربۆیە جێی خۆیەتی، بە هاوكاری رێكخراوەكان و چالاكوانەكانی دیكەی مافەكانی ژنان، بە روانینێكی رەخنەگرانەوە هەڵسەنگاندنێكی نوێ بۆ دۆخی ئێستا و چۆنییەتی كاركردن لە داهاتوودا بكەن. پێكەوە هەڵە و كەموكوڕییەكان دەستنیشان بكەن و دواتر پلان و ستراتیژێكی گونجاو لەگەڵ دۆخی كۆمەڵایەتی و سیاسیی و ئابوری كۆمەڵگەی كوردستان دابڕێژن و گوڕوتینێكی نوێ بدەنەوە بە بزووتنەوەی ژنانی كوردستان.
هیوادارم و گەشبینیشم یەكێتی ژنانی كوردستان، (٣٤) مین ساڵی تێكۆشانی خۆی بكاتە دەرفەتێك بۆ بەخۆداچوونەوە و دانانی بناغەیەكی پتەوتر بۆ تێكۆشانی لە ساڵەكانی داهاتوودا. لەم پێناوەشدا وەك هاوبیرێكی خۆتان ئامادەی هەموو جۆرە هاوكارییەكم.
قوباد تاڵەبانی
سەرپەرشتیاری مەكتەبی سكرتارییەتی سەرۆك مام جەلا
