بەبۆنەی (٣٤)هەمین ساڵەی دامەزراندنی یەكێتیی ژنانی كوردستان، گەرمترین پیرۆزبایی ئاڕاستەی ژنانی کوردستان، و دەستەی دامەزرێنەران، و سكرتارییەت، و ئەندامانی ئەو رێكخراوە سەنگینە دەكەین.
ژنانی کوردستان ژنانی تێکۆشەر و خۆڕاگرن، شایەنی رێزلێنانن و پێویستە تەواوی مافە رەواکانی خۆیان پێ بدرێت، لەو سۆنگەیەوە یەكێتیی ژنانی كوردستان، وەکو رێکخراوێکی تێکۆشەر و داکۆکیکار لە مافەکانی ژنان، هەوڵ و تەقەلای بێوچانی داوە لە پێناو دەستەبەرکردن و پاراستنی مافەکانی ژنانی کوردستان بەبێ جیاوازیی.
کارەکانی ئەو رێکخراوە، گەواهیدرن بۆ خەباتی بەردوامیان لە پێناو بەرگریکردن و هۆشیارکردنەوەی زیاتری ژنان لەسەر ئاستی کوردستان، هەروەها رەوانشاد سەرۆك مام جەلال-یش وەکو رابەڕ و سەرکردەیەکی دیاری کوردستان و عیراق، پاڵپشت و پارێزەرێکی بەردەوامی ئەو رێکخراوە تێکۆشەرەی کوردستان بووە.
دووبارە پیرۆزبایی ئەم یادەتان لێدەکەین و هیوای سەرکەوتنی بەردەوامتان بۆ دەخوازین
براتان
ئاسۆ مامەند
سەرپەرشتیاری کەرکوک-سەڵاحەدینی یەکێتیی نیشتمانیی کوردستان