گوڵزار فرەج: تەوار
لە ئێستادا ئامادەكاری بۆ كردنەوەی پێنجەمین پیشانگەی نێودەوڵەتی سلێمانی دەكرێت و برٍیاروایە لە كۆتای ئەم مانگەدا لە پیشانگەی نێودەوڵەتی سلێمانی لە تاسڵوجە بكرێتەوە.
لەم بارەوە ئەمڕۆ شەوقی عومەر، سەرپەرشتیاری گشتی پیشانگەی نێودەوڵەتی لە كۆنگرەیەكی رۆژنامەوانیدا ڕایگەیاند” پێنجەمین پیشانگەی نێودەوڵەتی كتێب لە سلێمانی لە ڕۆژی ٢٣ ئەم مانگە بۆ ماوەی ١٠ ڕۆژ دەكرێتەوە و زیاتر لە ٢٠٠ ناوەندی بیانی و ناوخۆیی لە نزیكەی ٢٠ وڵاتی جیاوازەوە بەشداری دەكەن و پیشانگەكە دەیان هەزار ناونیشان لە خۆدەگرێت”.
شەوقی عومەر وتیشی” كتێبەكانی پیشانگەكە چەندین بواری جیاواز لە خۆدەگرێت وەك ڕۆشنبیری، ئایینی، فەلسەفە، كۆمەڵایەتی، هونەری، زانستی، ئەدەب و هونەر، چیرۆك و رۆمان، مێژوو”.
لە چوارەمین پیشانگەدا كە ساڵی رابردوو كرایەوە چاپخانەی تەوار یەكێك بوو لە بەشداربووانی پیشانگەكە و زۆرترین داخوازی لەسەر بەرهەمەكانی تایبەت بە ژنان هەبوو.
بەپێی بریاری لیژنەی ئامادەكاری پیشانگەكە ڕۆژانە لە كاتژمێر ١٠ی بەیانی بۆ شەشی ئێوارە دەبێت.
