ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

خاتوو كافیە سڵێمان سەردانی پیشانگەی تایبەتی كامەران كارگەچی دەكات

لە گەلەری نیشتیمانی ئەمنە سورەكە حەوتەمین پیشانگەی تایبەتی شێوەكاری هونەرمەند كامەران كارگەچی كرایەوە.
پاش نیوەڕۆی ئەمڕۆ خاتوو كافیە سلێمان سكرتێری یەكێتی ژنانی كوردستان بە هاوڕێیەتی هەریەك لە خاتوو سەیوان ڕۆستەم ، خاتوو كنێر عەبدووڵا ، خاتو سەیران محەمەد و خاتوو بەفرین ئەحمەد سەردانی حەوتەمین پیشانگەی شێوەكاری هونەرمەند كامەران كارگەچی كردوو لەلایەن هونەرمەند كامەران كارگەچییەوە پێشوازی كران لای خۆیەوە خاتوو كافیە سڵێمان و ئەندامانی سكرتاریەتی یەكێتی ژنان وێرای دەستخۆشییان هیوای بەردەوامی و سەركەوتنیان بۆ خواست.
لە پیشانگەكەدا هونەرمەند كامەران كارگەچی ژمارەیەك تابلۆی قەبارە جیاوازی نمایشكرد بوو كە زیاتر گوزارشت بوو لە خەمی پاراستنی ژینگە و باڵندە و لێكچواندنی سروشت وەك جەستەی ژن. هاوكات لە پیشانگەكەدا دوو كتێبی بەناوی (سەرچاوەكانی ئاو و باخ و باخچە) لە نوسین و ئامادەكردنی كامەران ساڵح كارگەچی بە دیاری پێشكەشی ئامادەبووانی پیشانگەكەی كرا.

هاوشێوە

ڤیدیۆ