درەوشان: هەولێر
لقی هەولێری یەكێتی ژنانی كوردستان بە رێكخستنی پانێلێك هەڵمەتی بەرەنگاربوونەوەی تووندووتیژی راگەیاند.
ئەمرۆ لە بارەگای لقی هەولێری یەكێتی ژنانی كوردستان بە بۆنەی شانزە رۆژی بەرەنگاربوونەوەی توندووتیژی دژی ژنان، پانێلێك رێكخرا، بۆ هەریەك لە خاتوو نیان هۆشیار خاوەنی بروانامەی ماستەر لە یاسای گشتیدا و خاتوو قەشەنگ محمد توێژەری كۆمەڵایەتی و چالاكوان لە بواری ریكخراوی ژنان، كە لەلایەن پارێزەر رێبین صباح عبداللە وە بەرێوەچوو، بۆ گفتوگۆكردن لەسەر هەڵمەتی بەرەنگاربوونەوەی توندووتیژی دژی ژنان و باس لە رێكارە یاساییەكان كرا بۆ كەمكردنەوەی توندووتیژی.