شاناو تالیب: سایتی تەوار
خاتوو كافیە سڵێمان سكرتێری یەكێتی ژنانی كوردستان بە یاوەری ئەندامانی سكرتاریەت لە نوسیگەی تایبەتی خۆی پێشوازیكرد لە وەفدێكی فیدارسیۆنی ژنانی دیاسپۆرای كوردستان.
ئەمرۆ وەفدێكی فیدراسیۆنی ژنانی دیاسپۆرای كوردستان كە پێكهاتبوو لە شیرین زەكی سەرۆكی فیدارسیۆنەكە و شەهێن زاد ئەحمەد ئەندامی دەستەی راوێژكاری و تاڤگە عومەر رشید بەرپرسی بەشی راگەیان، سەرداتی سكرتاریەتی یەكێتی ژنانی كوردستانیان كرد.
لە كۆبوونەوەیەكی دۆستانەدا باس لە دۆخی ئەمرۆی ژنانی كوردستان و رەوەندی كوردی كرا لە وڵاتانی ئەوروپا، هەروەها باسیان لە وەكرد كە لە دەرەوەی وڵات فیدارسیۆنێكی سەربەخۆ دامەزرێت كە هەموو رێكخراوەكانی ژنانی كوردستان لە خۆبگرێت بۆ كاركردنی ژنان لە ناوەوە و دەرەوەی وڵات.
فیدراسیۆنی ژنانی دیاسپۆرای كوردستان لە رووی ئایدۆلۆژی و سیاسی و ئاینییەوە كۆمەڵەیەكی هاوكاری و خزمەتگوزاری سەربەخۆیە، ئامانجیان هەماهەنگیە لەگەڵ ئەندامەكانی رێكخراوەكە، پشگیری و ئیلهام بەخشبن بۆ ئەو ژنە كوردانەی كە لە یەكێتی ئەوروپادا دەژین، ئەم فیدارسیۆنە رۆڵێكی جەوهەری دەگێرێت لە بەستنەوەی رەوەندی كوردی لە ئەوروپا بەدیمەنی سیاسی و كۆمەڵایەتی فراوانتر و داكۆكیكردن لە مافەكانیان و بەرەوپێشبردنی یەكسانی رەگەزی و چارەسەركردنی پرسە فراوانەكانی پەیوەست بە كۆمەڵگەی كوردی لە یەكێتی ئەوروپا و كوردستان.
