میهرەبان: هەڵەبجە
ئەمرۆ بە دروشمی بە جیاواز رەنگەكان تابلۆكان جوانتر دەنوێنن لە سەرۆكایەتی زانكۆی هەڵەبجە یەكەمین سیمپۆزیۆمی ئاشتی بەڕێوەچوو.
لە چوارچێوەی چالاكی هاوبەشی نێوان (ڕێكخراوی كەم ئەندامانی هەڵەبجە و زانكۆی هەڵەبجە و ڕێكخراوی نێودەوڵەتی كۆچ) لە ژێر ناونیشانی (ئاشتی، لەبابەتەوە بۆ پێویستی) لە زانكۆی هەڵەبجە چەندین چالاكی بەڕێوهچوو لە ماوەی هەفتەیەكدا، ئەمرۆ لە كۆتایی چالاكیەكانیاندا سیمپۆزیۆمی ئاشتی لەلایەن هونەرمەندانی شێوەكاری هەڵەبجەوە بەرێوەچوو پیشانگەیەك كرایەوە.
فانیا سوڵتان لە ڕێكخراوی كەم ئەندامان وتی” چەندین چالاكی و پانێڵمان پێشكەش كردووە لە ماوەی ئەم هەفتەیەدا، ئەمرۆش كۆتا ڕۆژی كارەكانمان بوو بە پیشانگەیەكی شێوەكاری كۆتایی بە هەفتەی ئاشتی لە بابەتەوە بۆ پێویستی دەهێنین، تیایدا باسمان لە ئاشتی و پێكەوە ژیان كرد، هەروەها خاوەن پێداویستی تایبەت لەگەڵ خەڵكی ئاشت بكەینەوە و گشتگیریان بكەین تاوەكوو بتوانین كۆمەڵگەیەكی تەندروست بەرهەم بهێنین”.
شێوەكارانی هەڵەبجە مەبەستیانە ئەم جۆرە چالاكیانە بەردەوامی هەبێت و بە بابەتێكی سەرەكی دادەنێت لە ئاشتەوایی كۆمەڵایەتیدا.
مونا عەزیز هونەرمەندێكی هەڵەبجەییە و دەڵێت” لە چەندین چالاكی جۆر بە جۆردا بەشدرایمان كردووە و ماوەی دوو ڕۆژیشە پێكەوە كار دەكەین و كارەكانمان لە پیشانگەیەكدا نمایش كردووە”.
لەلایەكیترەوە ڕوخسار رەحمەت” وەك هونەرمەندێكی گەنج توانیویەتی تابلۆكانی بنەخشێنێت و لە تابلۆكانیشدا مەبەستێتی ئاشتی بەرپا بكات و چەندین رەمزی ئاشتی بەكار هێناوە ئەو وتی” مەبەستمانە لە ڕێگەی هونەرەكەمانەوە ئاشتی بڵاو بكەینەوە و بتوانین ببێتە ڕێگەیەك بۆ دربڕینی رازەكانی خەڵك”.
