میهرەبان: هەڵەبجە
ئەنجومەنی خانمان بە هاوكاری سەرۆكایەتی زانكۆی هەڵەبجە لە درێژەی چالاكیەكانی 16 رۆژی بەرەنگاربوونەوەی توندوتیژی دژی ژنان و خێزان پانێڵێك بەڕێوەدەچێت.
سەر لە بەیانی ئەمرۆ بە ئامادەبوونی لقی شارەزووری یەكێتی ژنانی كوردستان و ژنانی لایەنە سیاسیەكان و رێكخراوەكانی ژنان لە پارێزگای هەڵەبجە، پانیڵی (25)نۆڤەمبەر رێكخرا لە پانێلەكەدا هۆكار و دەرئەنجامەكانی توندوتیژی خرایە روو.
خاتوو شارا عبدالكریم لێپرسراوی لقی شارەزووری یەكێتی ژنانی كوردستان وتی” ئێمە لە هەڵمەتی ١٦ ڕۆژی بەرەنگاربوونەوەی توندوتیژی دژی چەندین چالاكی رۆشنبیری و هۆشیاریمان ئەنجامداوە، ئەمرۆش پانێلكمان ڕێكخستووە بۆ قسەكردن لەسەر كەمكردنەوەی توندوتیژی و ئاسەوارەكانی توندوتیژی، هەوڵ ئەدەین بە هەموومانەوە ئاسەوارە دەروونی و كۆمەڵایەتیەكان كەمبكەینەوە”.
خاتوو شارا باسی لەوەكرد” هەرچەندە لە سنورەكەیاندا رێژەی كوشتن نیە، بەڵام مانای ئەوە نیە توندوتیژی بوونی نیە و بەڵكوو شیوازەكەی گۆراوە”.
لە لایەكیترەوە شاد ڕزگار پارێزەر لە ئەنجوومەنی خانمان دەڵێت” پێویستە دایك و باوك ڕۆڵیان هەبێت لە كەمكردنەوەی توندوتیژی و پەروەردەیەكی گرنگ بگرنە ئەستۆ، تاوەكوو ببنە خاوەن هزریكی تەندروست”.
هەر لە پانێێلەكەدا چەندین ڕاو بۆ چوون خرانە ڕوو لە كۆتایشدا كرایە یاداشتێك بۆ ئەوەی هەموولایەك لە ساڵانی داهاتوودا پیڕەوبكەن.
