شەهین رەسول: سۆران
بەسەرپەرشتی لقی سۆرانی یەكێتی ژنانی كوردستان كۆمیتەی رەواندز كۆڕێكی رۆشنبیری كۆمەڵایەتی رێكخست.
لە چوارچێوەی چالاكیەكانی یەكێتی ژنانی كوردستان بۆ 16 رۆژی بەرەنگاربونەوەی توندوتیژی دژی ژنان وخێزان، ئەمرۆ كۆمیتەی رەواندزی یەكێتی ژنان بە ئامادەبونی ژمارەیەك لە پیاوان و ژنانی شارەكە كۆڕێكی رۆشنبیری كۆمەڵایەتیان بۆ پارێزەر هەناسە عبدالعزیز پارێزەری لقی سۆران رێكخست، تێدا باس لە هۆكارەكانی خۆكوشتن و توندوتیژی كرا، ئەو رێكارە یاساییانەش خرانە روو كە لەكاتی روداوەكاندا بگیرێتە بەر.