راپۆرتی شەونم، فۆتۆ: شاناو
بە ئامادەبوونی خاتوو شاناز ئیبراهیم ئەحمەد خانمی یەكەمی عێراق. لە رۆژی جیهانی شێرپەنجەدا رێكخراوی كوردستان بۆ هاوكاری نەخۆشانی شێرپەنجە (kscps) و سەنتەری ژیانەوە. بە هاوكاری هەریەك لە زانكۆی كۆمار بۆ زانست و تەكنۆلۆجیا و گروپی خەونی مناڵان و لقی سلێمانی یەكێتی گۆرەپان و مەیدان، لە پاركی ئازادای شاری سلێمانی مارسۆنێكی ماوە درێژیان رێكخست و لە هۆڵی تەواریش كۆنسێرتێكی موزیك و گورانی بەرێوەدەچێت و رێكخەرانی مەراسیمەكە خەڵاتی پێزانین پێشكەشی یەكێتی ژنان دەكەن.
لەم ماراسۆنەدا كە كاژمێر 10ی بەیانی بەرێوەچوو ژمارەیەكی زۆر لە ژنان وپیاوان و هەندێكیش لە توشبوانی شێرپەنجە بەشدارییان تێدا كرد، وەك خۆیان دەڵێن “ئامانج لە رێكخستنی ئەم چالاكیە وەرزشییە، تیشك خستنە سەر تەندروستی مرۆڤە و گرنگیدانە بە خواردنی تەندروست و گرنگی وەرزش بۆ لەشی مرۆڤەكان”. لە كۆتایی ماراسۆنەكەش مەدالیای رێزلێنان بەخشرایە سێ بەشداربووی یەكەم و دووەم سێیەم.
ئێوارەی ئەمرۆش لە هۆڵی تەوار كۆنسێرتێك لە ژێر ناونیشانی ( سەمفۆنیایەك بۆ ژیانەوە ) بە سپۆنسەری میدیای كەناڵی كوردسات بەرێوەچوو، لەو كۆنسێرتەدا دوكتۆر نەشمیل عبدالڵە مامۆستای زانكۆی كۆمار بۆ وشیاری لە نەخۆشی شێرپەنجە و تەندروستی وتەیەكی پێشكەش كرد. هەروەها لەلایەن رێكخەرانی مەراسیمەكەوە خەڵاتی تایبەتی پێزانینیان پێشكەشی یەكێتی ژنانی كوردستان كرد، لە پای هاوكارییەكانی بۆ رێكخراوەكانی خۆبەخشانی هاوكاری نەخۆشانی شێرپەنجە و پاشان سوپاس و پێزانینی تایبەتیان پێشكەشی هونەرمەندانی بەشداربوو كرد.
دواتر كۆنسێرتێكی خۆبەخشانەی موزیك و گۆرانی بە بەشداری هونەرمەندانی گۆرانیبێژ لوقمان سەلیم و نیان عبداللە و هەردی عوسمان عەلی و ئاریان كەریم بەڕێوەچوو.
