ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

هاژە: كارگەیەكی دروستكردنی پەین دادەمەزرێنێت و وەزیری كشتوكاڵ پێشوازی لێدەكات

ئامادەكردنی: تریفە حسن
هاژە حسن یەكێكە لە كچە بە تواناكانی بواری زانستی كشتوكاڵی لە شاری قەڵادزێ‌، لەلایەن وەزیری كشتوكاڵ و سەرچاوەكانی ئاوی هەرێمی كوردستانەوە، پێشوازی لێكرا و ڕێزلێنانی پێشكەشكردن، بەهۆی ئەوەی خاتوو هاژە حسن وەك كچێك توانیویەتی پرۆژەی ماستەرنامەكەی بكاتە كردار بە دامەزراندنی كارگەیەك لە قەڵادزێ بۆ بەرهەمهێنانی پەینی ئەندامی لە پاشماوەی پەلەوەرەكان.
بێگەرد تاڵەبانی، وەزیری كشتوكاڵ ڕایگەیاند:” لە دامەزراندنی ئەم كارگەیە بۆچوونی زۆر جیاواز هەبوو، كە ڕێگر بوون لە بەردەم هەنگاوەكانی هاژەخاندا، بەڵام من گەشبین بووم بە توانای زانستی ئەم خاتوونە و سەركەوتنی هەوڵەكانی، بۆیە بڕیارمدا پشتیوانی بكەم، ئەمڕۆش زۆر دڵخۆشم، كە سەركەوتنی پرۆژەكەی ڕادەگەیەنم دوای توێژینەوە زانستییەكان”.
ئەم كارگەیە لە پاشماوەی كێڵگە پەلەوەرییەكانی هەرێمی كوردستان پەینی ئەندامی بەرهەمدێنێ، بە كوالێتیەكی بەرز و بە شێوازی شل و لە كیس نراو، كارگەكە بەرهەمی ساڵانەی (۱۱) هەزار بوتڵی پەینی ئەندامی شل و (۱۰) تەن كیسەیە، هاوكاتیش هەلیكاری بۆ ژمارەیەك لە گەنجی ناوچەكە ڕەخساندووە.

هاوشێوە

ڤیدیۆ