لە کەمپینەکانی کۆکردنەوەی هاوکاری بۆ زیان لێکەوتوانی لافاو لەسنووری ئیدارەی گەرمیان
بەرواری (١٩ی شوبات) ناوەندی هاوبەشی رێکخراوەکانی گەرمیان بەمەبەستی هەماهەنگی لەگەڵ ئیدارەی گەرمیاندا، بۆ ئەنجامدنی کەمپینی کۆکردنەوەی کۆمەک و هاوکاری بۆ زیانلێکەوتوانی لافاو لە سنوری گەرمیاندا، سەردانی ئیدارەی گەرمیانیان کرد.
لەو سەدانەدا، نوێنەری رێکخراوەکان یاداشتێکیان خستەڕوو و تێیدا باسیان لە رێوشوێنی کەمپینەکەیان کرد و داوایان کرد ئیدارەی گەرمیان هاوکار و پشتیوانیان بێت.
هەر لە کۆبوونەوەکەدا، کە بەڕێوەبەری کۆچ و کۆچبەران و وەڵامدانەوەی قەیرانەکانی ئیدارەی گەرمیان ئامادەی بوو، جەلال شێخ نوری سەرپەرشتیاری ئیدارەی گەرمیان ئەوەی خستەڕوو، کە ئیدارەی گەرمیان لە ئێستادا رێکارەکانی گرتوەتەبەر بۆ کۆکردنەوەی داتا و زەرەر و زیانەکانی لافاو لە سنورەکە و پێویستە کۆمەک و هاوکارییەکان بەجۆرێک بێت خزمەت بە هاوڵاتیانی زیانلێکەوتوو بکات و پێداویستیەکانی پڕ بکاتەوە. ئیدارەی گەرمیانیش هاوکار و پشتیوانتان دەبێت.
