ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

هەڤاڵ ئاسۆ مامەند بەبۆنەی (٨)ی مارس پەیامێکی پیرۆزبایی بڵاو دەکاتەوە

(٨)ی مارس رۆژی جیهانی ژنان پیرۆزبێت

بەبۆنەی رۆژی (٨)ی مارس رۆژی جیهانی ژنان، جوانترین پیرۆزبایی ئاراستەی ژنان بە گشتی، و ژنانی کوردستان بە تایبەت دەکەم.

رۆژی (٨)ی مارس تەنها ڕۆژێک نییە بۆ یادکردنەوە، بەڵکو رۆژێکیشە بۆ ڕێزگرتن لە خەبات و قوربانیی و هەوڵ و ماندووبوونەکانیی ژنان، وێڕای ئەوەش ژنان ئەرکێکی پیرۆزیان لە ئەستۆ گرتووە ئەویش پەروەردە و گۆشکردنیی رۆڵەکانییانە.

بە شانازاییەوە یەکێتیی نیشتمانیی کوردستان لە مێژووی درووست بوونییەوە تاوەکو ئێستا باوەڕی تەواوی بە مافەکانیی ژنان هەبووە، و لەو پێناوەدا بێ درێغ تێکۆشاوە، لە سەروشیانەوە رۆڵی دیاری رەوانشاد سەرۆک (مام جەلال) لە داکۆکیکردن و بەرجەستەکردنی ماف و خواستەکانی ژنان لە تەواوی کایەکانی کۆمەڵگە.

ژنانی کوردستان هاوزەمان لەگەڵ خەبات و قوربانییەکانیی ژنانی دونیا، لە نیشتمانیی خۆیاندا بەشدارێکی کارابوون لە سەرخستنی شۆڕشەکانیی کوردستان و تیایدا رۆڵی بەرچاویان گێڕاوە. لە سەردەمی ئێستایشدا ژنانی کوردستان شان بە شانیی پیاوان لە تەواوی سێکتەرەکاندا پێگە و پۆستی حکومی و رێکخراوەیی جیاجیا بەڕێوە دەبەن.

دووبارە رۆژی (٨)ی مارس لە ژنانی جیهان و کوردستان پیرۆزبێت

ئاسۆ مامەند
سەرپەرشتیاری کەرکوک-سەڵاحەدینی یەکێتیی نیشتمانیی کوردستان

هاوشێوە

ڤیدیۆ