هەتاو كەریم، یەكێكە لە كچە شێوەكارەكانی شاری هەڵەبجە ‌و خاوەنی ئەزمونێكی زۆر ‌و ستایلی تایبەت بەخۆیەتی.

لە دیدارێكی تایبەتی تۆڕی  میدیای تەوار باسی ئەزوونی كاركدنی كردوو ووتی” وەك سروشتی هەموو مناڵێك لە مناڵیدا بە گشتی حەزیان لە وێنەكێشان و ڕەنگە، منیش لەوكاتەوە خولیای وێنەكێشان و عاشقی ڕەنگەكان بوم و بەردەوام وێنەم دەكێشا، بەڵام پشتگیری و هاندانی ماڵەوەمان وایكرد بەردەوامبم تا ئەم ڕۆژەی ئێستام “. هەتاو بەردەوام بوول ە قسەكردن لەسەر ئەزمونەكانی ‌و وتیشی” تابلۆكانم بە گشتی ڕیالیزمن، بابەتی كارەكانم زیاتر بۆ ژن و مناڵە، بە تایبەت ئەمەوێ ژیان و چیرۆكی ئەو ژنانە  بهێنمە تابلۆكانمەوە كە بەڕاستی مانای ژن بونیان هەڵگرتوەوە ‌و پڕن لە جوانی و میهرەبانی، هەندێ جاریش كە دەچمە ناو سروشت وێنەی سروشت و گوندەكانی دەوروبەرمان دەكێشمەوە”.

دەربارەی بەشداری ژن لە كاری هونەریدا هەتاو كەریم ووتی” وەك دەزانین هونەری شێوەكاری زیاتر لە هونەرەكانی كە شوێنی تایبەت و پێداویستی زیاتری ئەوێ، زۆر ئافرەتیش جگە كاری دەرەوە مەسولیەت و كاری ماڵەوەشی لە سەرە كەمێ  قورسترە بۆی كە كات و شوێنی هەبێ بۆ كاری شێوەكاری هەرچەندە بوەشداری ژنان لم بوارەدا تاڕادەیەك باشە”.

دەربارەی ئەو ماتریاڵانەی هەتاو بەكاری دەهێنێت لەكارەكانیدا دەڵێت” من زیاتر بە ڕەنگی زەیتی كارئەكەم لەسەر كانڤاس، لێرە فرۆشتنی كاری هونەری بەو شێوەیە نیە كە ببێتە سەرچاوەیەكی مادی بۆت تەنها بە ڕێژەیەكی كەمە، بۆیە دەمەوێت كارەكانم زیاتر لە خزمەتكردن بە مناڵان كۆبكەمەوە و كاریش بۆ ئەوە ئەكەم”.

ئا: تریفە  تۆری میدیای تەوار