لە سەعات 7ی بەیانییەوە وێسگەكانی دەنگدان بەرووی دەنگدەرانی تایبەتدا كراوەتەوە و تا ئێستاش پرۆسەكە لە عیراق و هەرێمی كوردستان بەردەوامە و سەرۆكی كۆمیسۆنی هەڵبژاردنەكانی عیراقیش دەڵێت ” تائێستا هیچ گرفتێك و پێشلكارییەك تۆمار نەكراوە”.
لە پرۆسەی هەڵبژاردنی تایبەتدا كە ئەمرۆ بەڕێوەدەچێت ملیونێك 75 هەزار و722 كەس لە پرۆسەی هەڵبژاردنی تایبەت لە عیراق مافی دەنگدانیان هەیە و لەسەر ئاستی عیراق 595 ناوەند و 2584 وێسگە بۆ دەنگدانی تایبەت كراونەتەوە.
لە هەرێمی كوردستان 225 هەزار و 829 كەس مافی دەنگدانی هەیە كە تێدا هێزەكانی پێشمەرگە و پۆلیس و هەموو دەزگا ئەمنیەكان و زیندانیان و ئاوارەكان و نەخۆشەكان كە لە ناو نەخۆشخانەكانن مافی دەنگدانیان دەبێت، لە پارێزگای هەولیر 90054 كەس بەشداری دەنگدانی تایبەت دەكەن، لە پارێزگای سلێمانی 84775 كەس دەنگدەدەن و لە پارێزگای دهۆك 51000 كەس و لە قەزای سۆران 31 هەزرا دەنگدەر مافی دەنگدانیان هەیە.
تۆری میدیای تەوار