لە هەڵبژاردنی پێشوەختە بۆ ئەنجومەنی نوێنەرانی عێراق ٥٢ ژن بەبێ سوودوەرگرتن لە سیستمی كۆتا توانییان دەنگی پێویست بەدەستبهێنن و بۆ خولی پێنجەمی پەرلەمانی عێراق سەربكەون.
بەگوێرەی ئەنجامە بەراییەكانی هەڵبژاردنی پێشوەختەی عێراق، رێژەی پەرلەمانتارانی ژن لە خولی پێنجەمی پەرلەمانی عیراق زیادیكردووە و لە كۆی ٣٢٩ كورسی پەرلەمان، ٥٢ ژن بەبێ ئەوەی سوود لە سیستمی كۆتا وەربگرن توانیویانە دەنگی پێویست بەدەستبهێنن و ببن بە پەرلەمانتار.
كۆی ئەو كاندیدە ژنانەی بە دەنگی خۆیان سەركەوتوون بریتین لە ١١ ژن لە بەغدا، حەوت ژن لە سلێمانی، نەینەوا پێنج، هەولێر چوار، زیقاڕ چوار، بەسڕە سێ، كەركوك سێ، ئەنباڕ دوو، دیوانییە دوو، بابل دوو، كەربەلا دوو، واست دوو، دهۆك یەك، دیالە یەك، موسەنا یەك و پێهاتەی كریستیانییەكانیش دوو كاندیدی ژنیان سەركەوتن.
