لقی دوزخورماتووی یەكێتی ژنانی كوردستان بەهاوكاری كۆمەڵەی ئافرەتانی كوردستان، لەهەڵمەتی 16 رۆژی 25ی نۆڤەمبەردا سێ‌ كۆڕیان لەبارەی توندوتیژی دژی ژنان‌و شووكردنی پێشوەختەەوە رێكخست.

كۆڕەكان هەر یەك لەخاتوو لانە محەمەد‌و دونیا نورەدین‌و هیوا محەمەد كە توێژەری كۆمەڵایەتی‌و چالاكوانی كۆمەڵگەی مەدەنی بوون لەخوێندنگەكانی خانزادی كچان‌و كوردستانی كچان بەڕێوەیان دەبرد.

جێی باسە لەم كۆڕانەدا كە توێژەران باسی بەرەنگاربوونەوەی توندوتیژی دژی ژنان‌و شووكردنی پێشوەختەیان دەكرد، زیاتر لە 150 خوێندكار ئامادەی بوون.