ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

بە بڕیاری قوباد تاڵەبانی چیتر ژنان بە بێ ناونیشان بەخاک ناسپێردرێن

ڕۆژی سێ شەمە (2021/12/14) بە بڕیاری قوباد تاڵەبانی جێگری سەرۆک وەزیران، ڕێگەنادرێت هیچ ژنێک بێ ناو بەخاک بسپێردرێت، ئەمەش دوای ڕووداوەکەی ڕۆژی دووشەمە (2021/12/13) کە تەرمی ژنێکی نەناسراو لە کەمپی هەواری مامۆستایانی زانکۆی شاری سلێمانی دۆزرایەوە و تەمەنی لەنێوان (25بۆ30)ساڵدا بوو و بەگوللە کوژارابوو، هەر بۆیە قوباد تاڵەبانی جێگری سەرۆک وەزیران، لایەنە پەیوەندیدارەکانی راسپارد کەتەرمی ئەو ژنەی رۆژی دووشەمە (12/13) لەسلێمانی دۆزراوەتەوە، بەبێ ناونیشان نەنێژرێت و بەدواداچوون بکرێت بۆ دۆزینەوەی ناسنامەکەی و لەهەمان کاتدا بکوژانیشی بدۆزرێنەوە.


ئەمە لەکاتێکدا (2020/11/25) قوباد تاڵەبانی لەسەردانی بۆ گۆڕە بێ ناونیشانەكان و نۆژنکردنەوەیان ، داوای لە شارەوانی کرد کە چیتر ژن بەبێ ناونیشان نەنێژرێت، وتیشی: داواتان لێ دەکەم هەمووان پێکەوە بەشداربین لە كەمكردنەوەی توندوتیژی، ‎چونكە ئەمە تەنھا پەیوەندیدار نییە بە ڕێكخراوەکانی ژنانەو، ‎بەڵکو دەبێت لە ھەموو لایەكەوە كاری بۆ بكرێت تا پێكەوە بتوانین كۆتایی بەم پەڵەی شەرمی ژن كوشتنە بھێنین.‎


ئاماژەی بەوەشدا، بیریشمان نەچێت لەپشت کوشتنی هەر ژنێکەوە بە تەنها پیاوێک نییە وەك تاوانبار ‎بەڵکو کلتور‌و عەقڵییەتێكی داخراو و نەریتێکی دژە ژیان هەیە.

هاوشێوە

ڤیدیۆ