خانمە هونەرمەندی دیاری میسری ئیلهام شاهین دەستخۆشی لەوڵاتی سعودیە دەكات كە ڤێستیڤاڵی سینەما سازدەكات‌و لەرێگەی سینەماوە پاڵپشت‌و گرنگی بەپرسەكانی ژنان دەدات.

ئیلهام شاهین لەچاوپێكەتنێكیدا لەگەڵ گۆڤاری (سەیدەتی) دەڵێت: براڤۆ بۆ سعودیە كە توانی یەكەم ڤێستیڤاڵی سینەما ساز بكات، ئەمە كارێكی چاوەڕواننەكراو بوو، چونكە من بەخەویش نەمئەبینی كە رۆژێك لەرۆژان بتوانم لەم وڵاتەدا بە جلوبەرگی ئاهەنگ‌و بەسەر فەرشی سوردا بڕۆم.

وتیشی: “من پێشتر سەردانی سعودیەم كردووە، بەڵام سەردانیكردنەكانم ئاینی بووە‌و لەچك‌و پەچەم كردووە”.

سەبارەت بەڤێستیڤاڵەكەش كە ناوی ڤێستیڤاڵی (دەریای سور بۆ سینەما) یە دەڵێت: “هەرگیز چاوەڕێی ئەوەم نەدەكرد بەو شێوە پیشەگەرییانە‌و بەشێوەیەكی راست‌و گونجاو ئەم ڤێستیڤاڵە سازبكرێت، لەڤێستیڤاڵەكەدا بەشێوەیەكی روون پاڵپشتی ‌و گرنگی پرسەكانی ژنان دەكرێت، ئەمە جگە لەوەی سەرجەم ئەو هونەرمەندانەی لەم ڤێستیڤاڵەدا رێزیان لێنرا ژن بوون، ئەمەش بۆخۆی كارێكی كەموێنە‌و گرنگە بۆ ڤێستیڤاڵ”.