ژن.خەبات.ژیان

تۆڕی میدیایی تەوار ماڵپەڕی یەکێتی ژنانی کوردستان

ژمارەی دانیشتوانی عیراق 41 ملیۆن كەسی تێپەراند

ژمارەی دانیشتوانی عێراق لە ساڵی 2021دا 41 ملیۆن كەسی تێپەراند‌و شاری بەغداش قەرەباڵغترین پارێزگایە.

وەزارەتی پلاندانانی عێراق لە ڕاگەیەنراوێكدا ئاشكرایكرد: “لەسەر بنەمای خەمڵاندنی دانیشتووانی ساڵانە كە دەزگای ناوەندیی ئامار تۆماری دەكات، هەروەها لەسەر بنەمای ڕێژەی گەشەسەندنی دانیشتوان و ڕێژەی زاوزێ‌ و مانەوە لە ژیان ئاماری گشتی دانیشتوان خەمڵێنراوە”.

بەپێی خەمڵاندنی ئەو وەزارەتە، دانیشتوانی عێراق لە ساڵی 2021دا گەیشتووەتە 41 ملیۆن و 190 هەزار و 658 كەس، لەو ژمارەیە 20 ملیۆن و 810 هەزار و 479 كەسیان پیاون، واتە بەڕێژەی 51%، ‌و 20 ملیۆن و 380 هەزار و 179 كەسیان ژنن، واتە بەڕێژەی 49%.

وەزارەتەكە ئاماژەی بەوەشداوە: “28 ملیۆن و 779 هەزار و 201 كەس لە ناوچە شارییەكاندا دەژین كە دەكاتە 69.9%، هەروەها 12 ملیۆن و 411 هەزار و 457 كەس لە گوندەكان دەژین كە دەكاتە 30.1%ی كۆی دانیشتوان”.

بەپێی راگەیاندراوەكەی وەزارەتی پلاندانانی عیراق شاری بەغدای پایتەخت قەرەباڵغترین پارێزگایە و ژمارەی دانیشتوانی هەشت ملیۆن و 780 هەزار كەسە، هەروەها پارێزگای موسەنا كەمترین دانیشتوانی هەیە كە 880 هەزار كەسە.

هاوشێوە

ڤیدیۆ