دوایین تیشكی خۆر ڕۆمانێكی ژیاننامەیە لە نوسینی كچە لاوی كورد (شەوین سەباح رەزا كۆیی ) كە لەوڵاتی سوید نوسراوە و چاپكراوە ئەزموونی ژیانی نوسەرە لە نێوان دوو كلتوری جیاوازدا..

ئەم رۆمانە سەبارەت بە منداڵێكە كە لە كوردستان لە دایكدەبێت و دواتر لە سوید گەورەدەبێت، باس و خواسی هەموو ئەو هەڵچوونە توندەی كوردستان و هەموو ئەو بەریەككەوتنە كلتوورییەی كە لە سوید ڕوویدا دەكات، لەهەمان كاتیشدا ڕۆمانێكی گەشە سەندنە سەبارەت بە كچێكی بچووك و تێكۆشانە سەختەكەی بۆ گەورەبوونی ئەو ژنەی كە ئەمرۆ دەبێتە نوسەری رۆمانێك

شەوین سەباح رەزا كۆیی، خاوەنی رۆمانی (دواین تیشكی خۆر)ە و لە سوید بە( شەوین حەمەد بەگ) ناسراوە. ئەو رۆمانە بریتییە لە ژییاننامەی منداڵێكی كورد، كە لە كوردستان كە لەساڵی 1993 لە كۆیە لە دایكبووە لەتەمەنی حەوت ساڵییەوە دەچنە وڵاتی سوید. ئەو لە كوردستان هەستی بە سەختی گوزەران و ژیان كردووە. كاتێ دەگاتە سوید درك بە پێچەوانەكەی دەكا، بەڵام بە یەكجاری بەلای كلتوری ئەواندا نەچووە، بۆیە خۆی لە ململانێیەكی كلتوریدا گەورەدا دەبینێتەوە.

هەست بە جیاوازیەكی زۆر دەكا، بەشێوەیەك كە ناتوانێت لەگەڵ جیاوازییەكاندا گونجاندنێك دروستبكات، بیر و بەرچاوی رەش دەبێ شەوان خەیاڵی بۆ مردن دەكات، بەشێوەیەك بڕیار دەدا خۆی بكوژێ، وەك لە ناوەڕۆكی رۆمانەكەدا هاتووە. لێرەدا وەرچەرخانێك لە ژیانیدا روودەدا ‌و دەرئەنجام ئەم رۆمانەی لێدەكەوێتەوە بەناوی دواین تیشكی خۆر رۆمانەكە ژیننامەی منداڵێكە لە نێوان دوو كلتور جیاوازدا، لە هەمان كاتیشدا رەوتێكی گەشەكردن و تێكۆشانێكی منداڵێكە بۆ ئەوەی ببێتە ئەو ژنەی كە ئەمڕۆ سەركەوتنی بەدەستهێناوە و توانیویەتی خەون و خەیاڵ و ئەندێشەكانی بنوسێتەوە ببێتە رۆمانێك،
رۆمانی دواین تیشكی خۆر بڕیارە لە ٢١ی ئەم مانگە بڵاوببێتەوە ‌و بووە بە هەواڵی زۆرێك لەسایتە سویدییەكان.

تایبەت: بەتۆری میدیای تەوار

وەرگیرانی هۆزیا