بەپێی راپۆرتی ساڵانەی سەندیكای رۆژنامەنوسانی كوردستان، لەساڵی 2021 دا لەكۆی 24 رۆژنامەنووسی ژن (10) یان گێچەڵیان بەرامبەر كراوە.

ئەمڕۆ چوارشەمە لە هۆتێل ڕامادا لە شاری سلێمانی، لیژنەی داكۆكی لەئازادی ڕۆژنامەنووسی و مافی ڕۆژنامەنووسانی سەندیكای ڕۆژنامەنووسانی كوردستان ڕاپۆرتیی پێشێلكاری ژمارە (27 -28) ساڵی 2021ی بڵاوكردەوە.

بەپێی راپۆرتەكە لە بەرواری (2021/1/1-2021/12/31)، (79) حاڵەتی پێشێلكاری تۆماركراوە، لەكۆی (187) دەزگا و ڕۆژنامەنووس كە پێشێلكاریان بەرامبەر كراوە.

راپۆرتەكە جۆری پێشێلكارییەكانی بەمشێوەیە خستۆتە روو: دەستگیركردن (17) حاڵەت، ڕێگەنەدان بە ڕووماڵ (31) حاڵەت، هێرش و سوكایەتی (22) حاڵەت، لێدان(4) حاڵەت، هەڕەشە (2) حاڵەت، داخستنی نوسینگە و كەناڵ (3) حاڵەت.

زۆرترین پێشێلكارییەكان كە ڕووبەڕووی دەزگاكانی ڕاگەیاندن و ڕۆژنامەنووسان بوونەتەوە بریتییە لە (هێرش و سوكایەتی) كە (79) حاڵەتە.

لەبەشێكی راپۆرتەكەدا كە لەڕێگەی ڕاپرسییە ئەنجامدراوە و (101) ڕۆژنامەنووسی مەیدانی تێیدا بەشداریی كردووە، لەكۆی (24) ڕۆژنامەنووسی ژن (10) ڕۆژنامەنووسیان ڕووبەڕووی گێچەڵ پێكردن و هەراسانكردن بوونەتەوە كە ئەمەش نزیكە لەنیوەی بەشداربووان و جۆری پێشێلكارییەكە (گێچەڵی سێكسی) بووە لەلایەن كەسی جۆراو جۆری ناو دەزگای ڕاگەیاندن و دەرەوەی ڕاگەیاندن.

ئا:تریفە