بەرێوەبەرایەتی گشتیی پەروەردەی هەولێر بڕیاریدا كە سبەینێ شەممە تاقیكردنەوەكانی كۆتایی وەرزی یەكەم لە كاتژمێر ٩:٣٠ خولەك ئەنجام بدرێت.
پەروەردەی هەولێر رایگەیاندوە: لە ڕۆژی شەممە (١٥ی ١ ی ٢٠٢٢) وە تاقیكردنەوە و هەڵسەنگاندنی كۆتایی وەرزی یەكەمی گشت قۆناغەكانی خوێندن لە سنوری پارێزگای هەولێر بە ( پەروەردەكانی سنووری ئیدارەی سەربەخۆی سۆران) یشەوە، لە كاتژمێر (٩:٣٠) خولەكی بەیانیان ئەنجامدەدرێت لە تەواوی ناوەندەكانی خوێندن.
دەشڵێت: ئەو قوتابخانانەشی بەچەند قۆناغێك تاقیكردنەوە و هەڵسەنگاندنەكان ئەنجامدەدەن پابەند دەبن بەوەی بەگوێرەی كە ماوەی ئەو كاتژمێرەی كە لە (٨:٣٠) گۆڕدراوە بۆ (٩:٣٠) ئەوانیش كاتژمێرێك لەكاتی تاقیكردنەوەكانیان دەگۆڕدرێت لە هەمان رۆژ و رێكەوتی ئاماژەپێكراو.
پەروەردەی هەولێر سەرنجی بۆ ئەوەش راكێشاوە كە لەحاڵەتی روودانی لافاو یان گرفتی هاتوچۆی رێگاوبانەكان بەهۆی كەشوهەواوە، پێویست ناكات بەخێوكارانی قوتابیان منداڵەكانیان بنێرنەوە بۆ قوتابخانەو جەختیكردوەتەوە كە “بە دڵنیایی لەكاتی گونجاو قەرەبوو دەكرێنەوە و هیچ جۆرە دڵەراوكێ و نیگەرانییەكتان لەوبارەیەوە نەبێت”.
ئامادەکردنی: تریفە حەسەن
